المشاركة الأصلية كتبت بواسطة {الــعــود}

أولآ ألف مبروووووك لمنتخب البحرين وعساهم يتوفقون قدام نيوزلندا..
أما المنتخب فمشكلته أكبر من غلطت لاعب في تغطيه ومثلها..
التأهل ضاع من مباراة كوريا..
إتحاد الكره يباله غربله وإستقاله جماعيه..الله يرحم فيصل بن فهد من بعده ولاإنجاز لا آسيا ولا غيرها حتى كاس الخليج سرنا نفحط فيه..
أما التأهل الماضي كان هديه من البحرين والكل عارف..
وبوسيرو لاحد يقول ماقصر بالعكس خبص الدنيا فوق ماهي مخبوصه ولا بالله الغنام أساسي(وهوإحتياطي بفريقه)وأحمدعطيف على الدكه ونور يلعبه يسار وهوأيمن وتيسير الجاسم في غير مكانه قالبها عجينه وكل يوم تشكيله ولاعب في مباراة الذهاب بثلاثه محاور والله لو أنك تقابل البرازيل ولا إسبانيا..ياخسارة المصاريف والمكافئات لا ورايح يزور كل معسكرات الأنديه الخارجيه ولاعرف مواقع اللاعبين والله مصيبه أصلآ لوفيه خير ماكان حصلوه المنتخب عاطل وجابوه..ولا له أي تاريخ..

بصراحه منتخبنا مايستحق التأهل ولا اللعب في كاس العالم بدون زعل..
أما ياسر طيحني لاعب10مباريات (أساسي)في التصفيات ولا سجل هدف بالله هذا مهاجم ولا حارس مرمى..ولما أبعد عن المنتخب فاز المنتخب على إيران قدام 100ألف مشجع يتقدمهم أحمدي نجادوفاز على الأمارات ويوم رجع وحرموا اللاعبين اللي يستاهلوا المشاركه رجعت الأنتكاسات..
ياسر كان نجم لكن الحين حرام أنه يلعب ..يمكن السعران لو لعب كان أحسن منه على الأقل عنده روح وحماس وهذا مافقده المنتخب من قبل مباراة البارح..
تحياتي وتقديري للجميع..