القصيده تعبر عن الاوضاع الحــــــــاليه في اليمن يقول الشاعر فيها
بدينا برب الملك ذيهولنا عوين_
رب السما والارض والكل له عبيد/
وقابض بحبله يوم هوحبله المتين_
له الأمر والقدره وفعال مايريد/
خلقنا ورازقنا وهوذي لنا يفين_
وهوحارس المختاف وذي ينس الوحيد/
كلن وقدله رزق مكتوب في الجبين_
حد كاتبه شاقي وحد كاتبه سعيد/
وانا ساله ان يستر ولاحالتي تبين_
يجمل ويهدانا على رايه السديد/
وعفوه لنامن يوم قد شيب الجنين_
ويلطف بنا في ساعة الوعد والوعيد/
له الحمد مارعده في الناو له حنين_
وارخت مزون الصيف وامسى لها سجيد/
وتصبح الأشجار خضرا مع الذنين_
ويرتاح بوش البدو لارعيها سويد/
حمدالرضا في كل ساعه وكل حين_
على العبد يتحمد على نعمة المجيد/
وابوناصر البارح سرى القلب في ونين_
وفي الجوف مثل النار يبقى لها قديد/
ولافادني ضرب الأبر هي ولسبرين_
أبر في العظل تضرب وفي بعضها وريد/
عياالوقت ذي سبب لي الجرح والكنين_
ولوسيت ماسويت ماعاد ذي يفيد/
زمان النكد والكذب والخدع والغوين_
يضيع الوفا والصدق ماعاد له سنيد/
ولاحدحلف لك عهد في العهد بايخين_
ولاعاد شي وثقه في العهد والعهيد/
ولسلاف والاعراف ذي تنعجن عجين_
ماعاد شي مرجع للاحكام أو نقيد/
والقبيله ضاعت عقدها بدت تلين_
قبايل جدد ماشي لهافي القبل نديد/
ولاشي حكومه تردع الشخص ذي شطين_
مطلق خطام الشعب يصطاد او يصيد/
حكومة سرق كلاتهم ناس مذنبين_
ولاحدسرق مليون عاده يبا يزيد/
ولاحد محاسبهم ولاحد لهم يدين_
ولاشي قضا يحكم عليهم بقطع ليد/
وكل القضا فاسد وحكام مفسدين_
منهو مع الدوله في البنك له رصيد/
حكام بالرشوه في الشعب مجرمين_
ولاغيروا الحاكم من انصاب لاالصعيد/
وأمن البلد هوالخوف ذي يطلق السجين_
لاأداه حق القات بايحسبه فقيد/
وحامي السرق ذي يسرقون المواطنين_
وهوذي يوجهم وهوذي لهم رشيد/
وادو رتب ضباط لاناس أميين_
من الشارع اترقا برتبه وهو بليد/
راعي الغنم رايد ولبتال نجمتين_
وبعظهم قدهو مقدم وحد عقيد/
وباتوجد ان البعض يمشي برتبتين_
في الجيش والشرطه وأيضآ هو شهيد/
وشيخ له راتب وعدت مرافقين_
وكم وله أعانه يستلمها من البريد/
ولاعاش في ذاالوضع إلا المنافقين_
والشعب جايع مامعه زرع أوحصيد/
غلا النفط والألآت قدوقف المكين_
ماعادشي ياوي مع ذا الغلا الشديد/
وجا لشتراكي من يساري إلى اليمين_
تحالف مع لصلاح ذي كان له عنيد/
ولصلاح ماخذ تعهد ولا ضمين_
وسو مشترك من دون عده ولاعتيد/
معارض على السلطه وللحكم هوشجين_
يبا يصلح الاوضاع تصحيح من جديد/
ولااستر يحقق شي وكم ذه لهم سنين_
ولابايحصل شي مع المؤتمر بعيد/
ولامشترك نافع ولامؤتمر ركين_
أحزاب تتسابق في الشعب ياجليد/
يغشوا على ذا الشعب ذي دايمآ حزين_
يتزايدو والشعب هو الخاسر الوحيد/
ولاخير في محسن ولاخير في حسين_
ولاخير في حيمد ولاخير في حميد/
ولاخير فيهم بقطع الشك باليقين_
تجارب مضت يالغر لاتسمع النشيد/
والختم صلى الله على الصادق الأمين_
شفيعنا من نار حمرا لها وقيـــــــــــد