((6))
يقول ابن لحول خاطري بالمدينه ظاق=ولا لـي بجلستهـا محـبـه ولا فـاقـه
ولالي هواءباهـل المدينـه ولا لسـواق=ولاعند قـاري لاجلـس قلـب اوراقــه
هواء خاطري من حيث انا شاهد البـراق=وانا من هوات البـر واعجـب بعشاقـه
فرق في المدن واهل البوادي كثير افراق=تقوله عيونـي ذي فـي البـر مشتاقـه
فـي البـر مهذرللظبا صافيـة لعـنـاق=ظبا تقطف اغصان احسن الرعي واوراقه
بهن قلبي اتولـع وحنيـت مـن لعمـاق=علـى بوعيونـا سودللقـلـب سـراقـه
على الناس زايد في جماله وفـي لخـلاق=ولاالقلب يقنـع مـن جمالـه ولا اخلاقـه
ولابـل مـن لام الولـع فيـه ولاضـاق=ومن ضاق ليتـه يبتلـي بـه وبفراقـه
تمنيت له تمنيـه واثنيـت لـه لشـواق=وحنيـت لـه ماحـن بالمـور سـواقـه
حنيني على من هز قلبـي مـن المعـلاق=متى ماابتسم باسنـان بيضـاء وبراقـه
متى ماابتسم كن العسل من شفاتـه راق=ولاحـد تمـدح بـه ولابعـد حـد ذاقـه
منسع جعـوده روسهـن حلقـت حـلاق=على الجنب مصفوفه وفي النحر واشقاقه
خرجنا مع لخـوان كمـن ولـد عمـلاق=ووقف لنا في البـر يحلـب لنـا الناقـه
خرجنا لشوفه فوق موتـر مـع سـواق=على جمس كنه سهم من تحـت سواقـه
وعبرت في الرحلـه وانا شاعـر العشـاق=هـوات العيـون السود واسبـال رماقـه
وصـوف الغضـي باالشعرنسقتها نسـاق=وصورتهـا تصويـر لقلـوب خفـاقـه
((7))
يالنجـوم السـاريـة خبريـنـا=ويش ريتي في جنوب الجزيـرة
خبريـنـا لاتخـفـي عليـنـا=وانتي الي تنظـري كـل ديـره
كيف حالة عـز ماحنـا هوينـا=سعد من حلو المعانـي قطيـره
فرقتـه مـره وصعبـه علينـا=يشهـد الله مارضينـا بغـيـره
مانسينـا حبـهـم مانسيـنـا=مثل حبـي لخوتـي والعشيـره
في بد لهـم والنبـي مارضينـا=يعلـم الـي مطلـع بالسريـره
ماهـو الا وقتنـا جـار فيـنـا=يوم لسبـاك الطـوال الخطيـره
وابرك الساعات لحنـا التقينـا=لقيتـك بشـرا وفرحـه كبيـره
من جمالك والنبـي مـا روينـا=وان قلبي مـن هواكـم بحيـره
كيف واحنا من صبانـا ربينـا=والصبا في الروض ننشق عبيره
كم تزاورنـا بهـا كـم رعينـا=في رباها يوم عـادك صغيـره
لـو عرفنـا وقتنـا ذا بكيـنـا=دمع يجعل قـاع بيتـك مطيـره
كم في الغربـه مئاسـي لقينـا=بالجزعهـا بجريـه وسـيـره
لوسمعتـي او بعينـك تريـنـا=كان ثار الـدم نخـوه وغيـره
ياصفـا ليـام عـود عليـنـا=عودي يااحلـى ليالـي نظيـره
عوضينـا بعـد ماسـار فينـا=بعد ظلم اعوام ماهـي قصيـره