بعض المواقف لأمهات وبنات مع الأطفال

السلام عليكم ورحمة الله وبركاته


لو قلت البراءه وش يطري على بالكم ؟؟ اكيد الاطفال من غيرهم

لكن احيان هالاطفال يسببون لأهلهم مواقف محرجه للآخر

هذه بعض المواقف لأمهات وبنات مع الأطفال

تقول أم من الأمهات ..

مرة كانوا ضيوف زايرينا .. ودخلوا البيت بنعلانهم يعني ما فسخوا نعلانهم عند باب المجلس ..
ويوم شافتهم بنتي قالت لهم ( إييييييييه فسخوا نعلانكم برا الناس ما يدخلون البيت بنعلانهم عيب عليكم )


وتقول وحده من الامهات ..
( كنت معزومة على حفل عشاء فأخذت ابنتي الصغيرة معي
فلما جلسنا حول البوفيه ظنت انه مطعم وقالت بصوت عال هذا
الأكل بفلوس والا ببلاش فضحكوا عليها الحاضرات..)




والثالثة ...
( جانا ضيوف وجابوا معهم هديه للمولود الجديد فكان ابني يريد
فتحها فقلت له ( اصبر حتى يذهبوا ) صار يدخل ويطلع ولما مل الولد
من الانتظار دخل وقال بصوت مرتفع ...
(خلاص أبفتحها شكلهم بينامون عندنا )





وقالت وحده بعد ...
( ذهبنا في زيارة لعمات زوجي وحده منهم كبيره في السن قلت لولدي
حب راسها فرفض وقال ( ريحة راسها شينه ) يقصد الحناء شوفوا
الإحراج اللي صار لي )




كما قالت
( جتني وحده من صديقاتي وكانت ملامحها تشبه دول شرق أسيا
فجلست بنتي تطالعها بقوه لما قلت لها عيب ردت وقالت ( شكلها
شغالة ) )



( اخذت من اختي شنطه ورحنا لحفله ومعنا بنت اختي ولما وصلنا
وخلعت عبايتي حتى شافت الشنطه وقامت تسحبها بقوة
وهي تقول ( حقت ماما هاتيها ) وانا احاول اسكتها )





وآخر وحده تقول ..
( زوجي كان عنده ضيوف على العشاء وحطيت العشاء كله لهم
وكان ولدي يبي يتعشى قلت له: اذا خلصوا الرجال بنتعشى..
رحت اصلح لهم الشاهي ...وهو دخل على الضيوف وقال لهم
( لا تخلصون العشاء لانا بنتعشى أنا وأمي بعدكم )
شوفوا وجه ابوه وقتها ).


اطفال هالوقت شي غريب عجيب
يفهمون ويتكلمون مثل الكبار ويمكن اكثر