وبح وبح وبح وش قد صار، إنا لله وإنا إليه راجعون، لقيت رسالتين شخصيه في الوارد قلت ما شاء الله غبت يوم و قد فقدوني، ظليت في سوق الخضره اكاسر البارحه حلقي اوجعني يمين بالله فاسمحولي على التأخير في الرد، يعني فرحان حد مرسلي إلا القالكم طلبات غريبه عجيبه.

ذلحين من صدقكم الأسامي مسويه أزمه، إذا انتوا ناس ما عندكم حس دعابه ولا تتقبلوا الحريه الشخصيه فأنا أحس مانا مطول معكم في المنتدى، لأنه الصراحه الواحد يدخل و هو يبا يغير جو يناقش من هنا و يضحك من هنا، أنا يوم اشتركت ما قلت أنا ذلحين داخل مجلس رجال يالله بصلح غترتي و أتعطر لي، والله إني داخل مرييييييييييح بوزاري و كشتي و ذا حلات الانترنت، تاخذ راحتك يا رجال بدون ما تغلط على حد، يعني معصوبتي أحبها و أحب الناس تناديني معصوبه وش فيها يمين بالله تجنن، وما يصير كل ما حد ما اعجبه شي يشكي لازم نتقبل الاختلاف في كل شي سواء في طريقة التعبير ولا الاراء ولا استخدام الألفاظ، والله ما بتصدق تدري يوم اشتركت و بديت اقرا في المواضيع وش اول شي لاحظته، قلت وش ذا الناس الممله ما يعرفوا يختاروا اسامي ذه اسمه المصعبي و ذاك المصعبي بس بالانجليزي و واحد بوهزاع المصعبي و حد الطاهري و حد لا غير كثير اسمه المهاجر الطاهري، احترم ذه الاعضاء من كل قلبي لكن انا ابدا ما عجبني بس حد شافني فتحت موضوع و قلت لا زم نرفض حد يسجل اسم و ذه الاسم قده جزء من اسم حد ثاني!! يالله عاد تيك ات ايززي و ريلاااكس و ما في داعي للدكتاتوريه.

بعدين عيب عليه ذي قارن بين اسمي و قاروره الوسكي يعني انت شايفهم نفس المستوى صدق إني أحب معصوبتي لا كلتها لكني ما أسكر من قفاها، أما فنجال شاي عجبني الاسم مووووووووت يعني في ابداع يوم تبو، لا تحرمونا منه!

سوال هو ذه كذبه ابريل؟؟؟