احب فيـك الغـرام اللـي يبكينـي
وارتاح لا هلـت الاعيـان دمعاتـي
انا ادري انك ياروح الروح تغلينـي
وانا ادري انك خبيرن في معاناتـي
بس ليه تكتم شعورك يانظـر عينـي
قلها ودون غرامك بيـن صفحاتـي
لجلك هويت السهر والشوق يكويني
يشهد على شوقي حروفي و وناتـي
اشوف حبك في نار الهـم يرمينـي
واحاول اطفي لهيب النـار بابياتـي
ان غبت عني كرهت النفس وسنيني
واخاف واسئل واعد الوقت واحاتي
وان جيت جيتك والله بـس تكفينـي
وتشوف لون الغلا مابيـن نظراتـي
يابـو عيونـا تداوينـي وتشقيـنـي
والله احبـك ولالـي عنـك غناتـي
ارويتـك الحـب لاكنـك تضمينـي
ماضنتي في البشر من يفعل سواتـي
حتى مصايب حياتي ماهـي تعنينـي
ماعندي هم(ن) سوى همك وحسراتي
اما تجيني وتنظـر ماجـرى فينـي
ولا بجي لك ولو طالـت مسافاتـي
انا ادري انك يا اعز الناس تغلينـي
لكني اصبـر ولـو زادت معاناتـي
م\ن
اخوكم ابو صخر المصعبي