ملك قتبان و العريفي
تشكرون على الرد و الاهتمام
انا ما فتحت هالمجال الا لاني ابي ابناء المصعبين من أفضل الشباب في السمعه و العلم
صحيح كلامكم في ناس وصلت لمراتب جيده من العلم لكن قلة قليله تنعد ع الاصابع و هذا شي واضح للجميع
المفروض يكون العكس الاغلبيه ناس تعسى للعلم و لرفع اسم القبيله بالعلم و الاخلاق وليس بشي اخر
الاشياء الي تتفاخرون فيها ماضي كانت من صنع الاجداد وهم الي صنعوا سمعه لا بأس بها للمصعبين
طبعا و كان عملهم و صنيعم ماتفرضه عليهم ظروفهم انذاك من دفاع و قتل و حرب ...ألخ
الحين الوضع تغير الامم لا ترتقي الا بالعلم المستقبل مختلف تماما عن ما كان و انتوا شايفين العالم كيف صاير
اذا تميتوا بهذا المستوى كلها كم سنه و ينتهي اسمكم طالعوا المنتدى هاتوا لي رد واحد مثل الاوادم و الناس
شوفوا واجهة المنتدى كلها حيوانات؟؟؟ انا اول مادخلت ظنيت اني مغلطه داخله محميه حيوانات صحراويه!!
يا ملك قتبان
انا قلت دكتورات ,دكتوره معلمه... الخ ماقلت عاهره او مومس عشان تقول اخزي..!!
امثالك الي باقي فيهم جاهليه مصيبه على الفكر مافيها شي لو صارت البنت ام و دكتوره و مربيه .. وين العيب؟؟
هالزمن لازم تكون الام متعلمه مثقفه تعرف كيف تربي عيالها و تحفظهم من زمن الفتن ،تعرف كيف تخلي الطفل
يتخذ قرار يخطط صح يحذر من الخطر اذا رجع من المدرسه تعرف كيف تتحاور معاه تسأله وش اخذ وش صار معاه ،،
ماينفع تجلس الام و حولها اطفال ما تعدة العشر سنوات للساعه 12 بالليل يتابعون مسلسل تركي؟؟ هالمشهد تكرر قدام عيني
لانه الام ماهي فاهمه وش السالفه و الاب ايضا لاهي بالشغل و غيره ..!
المهم اعتقد الرساله الي ابي اوصلها فهمتوها
مارح اعيد و اناقش بعض العقول الي بس تاكل و تشرب و تنام ..!
سلام