وقتي عذاب وقلبي الشوق يكويه =والبال حاير به هواجيس وافكار
من وقت عيا شاعرآ قدمشى فيه =عاش الزمن صابر على شين لقدار
الله على وقتآ كثيره بلاويه = مايبتسم وان ابتسم يبتسم نار
لاقلت باساير زماني واداريه =لاحظت فيه الغدر والدهر غدار
لاحظت بعض الخلق بالغدر تمشيه =يمشي بوجها لك ووجها متى دار
شفت الزمن من تابعه بايضويه =درب الهموم اللي يشتت بلفكار
باريح القلب المكدر واسليه =في حب ساجي طرف يرمي بلنظار
ارتاح له مكحول لعيان واغليه =تخضع له البيض العذارا متى سار
احن له لاجا على البال طاريه =واشتاق له شوق الصحاري للمطار