ماهوب صح الله لسانك
يكفي من العلّه ثلاثين علّه
أنته وكلمك هل الكاس لا لاح
والا سلاطين الجزيره لا بلّه
حكام مصاعب اللّي ورا هضاب بيحان
ضلالهم مثل الجبال المضلّه
صغيرهم يلعب بكم لعب مسباح
ويسد فاه أهل القلوب المغلّه
إن مد كف الطيب ماهوب شحاح
والى تعزوا دولةٍ مستقله
مانيب أزكيهم من جا ومن راح
يمكن يجي في صفة القوم خلّه
وان كان هرجك لي ولا انته بمزاح
يما حلا بعض الحكي في محلّه
ما نشرب إلا البن الأشقر إلى فاح
والا حليب بكار في وسط ملّه
رجل وطموحي من ورا النجم لا لاح
أكبر من اني أشتهر في المجله
يكفيني من المعرفه والتمداح
إني إلى ضاقت علي قلت : يالله
الوضع ذا مزعنجي ولا نيب مرتاح
بروح واخلي لك المنتدى كله