يارب ماللعبد قدرة وطاقة= الا بفظلك ياالعظيم المعظم
يا عنك ما كل الرفاقه رفاقه =لو كان قالوا لك ترانا بني عم
ترى الرفيق الى يشيل السواقه= وان قلت ذا درب السنع قال لك تم
رفيقي الواقف على عظم ساقه =الي يصوب الصوب قبل اتكلم
هذا الرفيق اللي بملك الصداقة =لوهومن الصيعروهمام و وهم
والا الردي يظهر رداه ونفاقه= ماله ضمير ولا ملازيم تلزم
ان زاد ماله شال كل الحماقه =وان قل مالك حملك جملة الهم
العفن اذا امنته على السر باقه =مار انتبه لاعن خفاياك يعلم
ادنات ماخرب مزاجه وعاقه= يكفيك شوف العين والخافي اعظم
ابعد عنه مادام تقوى فرقاقة= تراه دايم جمع الانذال يهزم
ناس يحطون الرذاله عشاقه =ولا حسبوا للطيب والمدح والذم
ياعنك ماحطيت معهم علاقة =والي قنص بالبوم والتبع يندم
البيت مايصلح بليا رواقه =والثوب مايصلح لباسه بلا كم
الرجل تنفع قومته وانطلاقه= يعطيك اشارات الوفا في المقدم
شوفه عزيز وشوفتك له شفاقه= وان جاك من ظيم الزمن ظيم
ساهم رفقت وفاء ماهي برفقت ملاقه =قرما لحزات الصعوبات سلم
اوصي به اهل الفهم واهل الحذاقه= والا القلوب العمي ماتتعلم
ولاحد ومن وقته عن الاصطفاقه= كم واحد عقب الحلا جرع السم
وكم واحد منها تثالع فلاقه =وكم من مباني شامخات تهدم
منها يجوز العبد يطلب عتاقه =من من يحل الكود ويفرج الهم