وهي بعنوان/ نجمة الليل لاهل الخيل.

قم ياولد هات الحطب غدرالليل = اركد على البراد محتاج شده
واحمس لنا من بن نبته على السيل = من ارض يافع ذي بنى شيخ كنده
واطبخ معه قرفه وبخره بالهيل = في دلة صفرا بيمناك مده
واسمع ترى فنجال راعي التعاليل = من صنع يده ليس من جا يعده
وهات القلم واكتب وسج المواويل = ابيات مبتكره وماهي بخرده
هاجس براسي ذلل الشعرتذليل = اقبل علي من بعد ماغاب مده
يغرف علي من بحر مايشبه النيل = ويبحرعلى موج الحكم بس وحده
امسيت انا وياه مثل المهابيل = الفكر والهاجوس يمسون هده
اختار من قوله وخلي اقاويل = فرايدٍ وابكار والبعض رده
يتناقلوها الناس جيل ورا جيل = يطرب لها راعي المكلا وجده
اصب فيها الفكر وارسم لكاليل = واقطف بها من كل بستان ورده
العمر يمضي والليالي مقابيل = وما فات مات ولا قدرنا نرده
لايام جت مثل الركاب المحاميل = وينسيك ايام الرخى يوم شده
احدن بها الدنيا حياته تساهيل = رزقه ميسرله على قل جهده
واحدن بهالدنيا حياته غرابيل = مكتوب له فيها النكد والمكده
يا من تبا العليا استقم واجهد الحيل = الجيد فيها ارهق عظامه وجلده
واتحمل الصاحب ولوشفته به ميل = من يشتم الصاحب لطم شق خده
ولا تمنى الحرب قوته مقاتيل = شف من نشب في الشر عاف المخده
وان قد بليت اصبر على الحط والشيل = يجملك ذي هو علم سر عبده
هرجٍ بلى معنى هروج المخابيل = وكلمه لطيفه قربت في الموده
الصدق مثل الفجر ذي يفضح الليل = والكذب ليل اسود وجاء الفجر ضده
وابنك متى عمره بعمر الرجاجيل = كن صاحبه يجزيك ماجزيت جده
واحذرعلى دينك كذوب اهل لنجيل = واهل الفسوق المارقه كل رده
وآخركلامي واحترامي وتبجيل = صلي على المختار في كل سجده
ذي جاهد الكفار بالسيف والخيل = تفوح بازكى العطر عوده ونده