ياعمري الدنيا ماتسوى تنام وخاطرك زعلان
............................................ولابه شـي يستاهـل يخلـي قلبـك يعانـي
طلبتك كان لي خاطر تبعـد عنـك الأحـزان
............................................فديت أعيونك الحلوه تبسم لـو علـى شانـي
حبيبي صار لي مدة أشوفك تايـه وحيـران
............................................وانا والله لا شفتك حزيـن تـزود أحزانـي
أنا احبـك ولا ودي تعيـش بدنيتـك ندمـان
............................................ترى ألأيام محسوبة وتالـي هالعمـر فانـي
تصدق بسمتك والله تفرح خاطـري الولهـان
............................................يطير من الفرح قلبي واصيـر بعالـم ثانـي
والى من شفتك بضيقة أحس اني انا الغلطـان
............................................أعاتب نفسي بنفسي ولو ما كنت أنـا الجانـي
غلاك بداخل أعروقي ولا يوصل غلاك انسان
............................................يمر الوقت ويثبت لك غـلاك ان الله أحيانـي
أضحي بعمري لعيونك...تنام انته وانا سهران
............................................وانادي جروحك لقلبي تجي واحد ورى الثاني