طيب اشوف الاخوان اتناولوا الموضوع من ناحيتهم هم..وهم من البدايه الحريه بيدهم
صح بعضهم يمكن يحصل مطبات وصعوبات بس اللي ينوي يسويها يسويها وماعليه من حد
زعل سنة ورضى سنين
بس ماقلتوا رايكم بالنسبه للبنت المصعبيه تطلقوا سراحها واتكونوا اول المؤيدين
ولابتسوولنا مثل قبيله بغير ذكر اسم... شبابها يتزوجوا اي قبيله وبناتهم لو تعنس الوحده ممنوع
وفي الزواجات المصعبيه الاهل يشتروا الرجال واسمه مب فلوسه عشان كذا المساعده تكون واجبه بنظرهم عشان لايضغطوا عليه ويشوفوه واجب نحوه...
واذا على بناتنا من ناحية تميزهن فاكيد شهادتى مجروحه لكن بكل فخر اقول كم سمعنا ثناءاً في اخلاق والتزام بناتنا وجمالهن وقبولهن وتفوقهن العام بالدراسه..
وتكمله للموضوع اخي
اختياركم لخارج نطاق المصعبين ليش؟
لان المواصفات العامه موجوده بالتأكيد في بناتنا...فتجد راعية الجمال وراعية الدين وراعية العلم والموظفه والعاطله..المودرن والكلاسيك <---صار اثاث مب زواج
لكن اسال هل الاختيار من الخارج فقط رغبه لاغير
او كون البعض تربى لوقت قريب مع بنات العائله ومل شوفتهن على قولتهم ومن يراها كاخته وغيرها من اعذار...
او لعلاقه بالبنت او اهلها<----وغالبا من يتزوج غريبه يتهم بالتعارف السابق معها
او اي سبب لم يخطر في بالي
والبنت كذلك..ان حدث وتقدم لك مصعبي واخر من قبيله بعيده والاثنان بنفس المواصفات الحسنه كفة من ترجحين...المصعبي ام الغريب؟
طبعا اهلج صارت معجزه واعلنوا رضاهم التام بأي خيار تختاريه حتى لو الغريب
ولماذا اخترتي هذا الخيار؟
هل البعد عن نطاق المصعبين واسلوبهم والرغبه بتغيير نمط حياتك وتفكيرك السبب؟..ام الاستمرار ضمن النطاق وفي نسل المصعبين والخوف من الغريب هو السبب؟
شعورك بالقبول نحو هذا او ذاك كان اقوى ودفعك للموافقه؟
امور اخرى كأن تكون اسرة احدهما افضل من الاخرى ..او غيرها اسباب لم تخطر ببالي؟