اشوف انا فعيون الاصحاب نظرات
...........كنها تقول سْعيد شاللـي جرالـه؟!
..
هل هي بداية هـم والـلا نهايـات
..........فيها انتهى عشقٍ تقطّـع وصالـه
..
اي والله اني عايشٍ فـي متاهـات
............كنّي وريث الهـم واْكبـر عيالـه
..
كن الحزن أرضي وضيقي سماوات
.............و همٍ يمين القلب واْخـر شمالـه
..
واْسري مع التفكير واْطوي مسافات
.............وضيقٍ سرى عني وياتـي بدالـه
..
تتجمّع احزاني وأفراحـي اشتـات
.............ونجم الامل بازغ وياسـي رقالـه
..
دمع المفارق فيه ليعه وحسـرات
.............وجرح الزمن يبقى..ولو عنْه دالـه
..
كذااب من قال الذي فات قد مـات
..............واسأل عشيرٍ طيـف خلّـه بقالـه
..
لحظات احس انه بقربي..ولحظات
..............ادرك بـأن اللـي بقربـي خيالـه
..
اتخيّلـه يزقـر وأْلبّيـه بسكـات
..............واجاوبه لـو مـا لفانـي سؤالـه
..
لا مـا نسيتـك..لا ورب البريـات
.............ويردلي صوتي..ولانـي قبالـه
..
واقع ألـم والله يستـر مـن الآت
.............لكن عسى يمضي بخيـر وسهالـه
..
يا مصعب الفرقى ليا منّهـا جـات
..............كن الزمن مـزّع خفوقـي وشالـه
..
كنها نهايـة عمر..والـلا بدايـات
..............بدايـة احـزان المفـارق و فالـه
..