ألمصعبي قال طــل النايف الوعـــرة = شمخ منيعه عليها ملوية لركاب
طليتهـا يـوم الطــير في وكــــره = حافي وحاذي وراسي شله الشلاب
واصحبت غابش توالي الليل باالبكره = وقبل مالشمس تتطرح علي لشعاب
قانص لعصم السواعد كم من الغفره = دقاق لعناق يا فوج العشاء الهباب
بيض العصم كمن احجل ملتوي خصره = تصبح تشذب من أغصان الورق شذاب
بميزر اســود غفر له ذي صـنع جـره = والامر ذي اهداه لي صانه من الأسباب
سلطان مشهور في الجودات من صغره = من يوم شل اللبن والعاس والحلاب
وذاك ذي قـال مـابـايـســـتـمـع أمـــره = كــذاب ذي قـال مـابـا يـســمــعـه كـــذاب
بن جعبل قــبله وعمـــــه بارق الغــــدره = ذي قـلـعـب الـشـمـخ الـمـتعلويه قلعاب
وقـال خـو ناجـي احـمـد طـابـت ألـسمره = يابــــندقي حاكم الطيان والضراب
ياولعـتـي يـوم انــا التـمـبـاك مــــاجــــره = ولا تولع سوي في الة الحراب
وذكر لجواد يعـجـبـنــي فــي الـحـجـره = يزداد راسي بهم في بعد ولا قراب
قالوا ان سلطان بنير حل في خوره = ذي حارب الزيديه لما اخلص المطياب
طعفر دماهم وشل اسلابهم ظهره = ثمن حصونه وبئرالعز والمجلاب
والغــزو مــا تنقطع مـرة قفا مــــره = ماليله الا وصوت النا عيه نحاب
يالعولقي جـاك مــــولا العـــز والشهره = حسك تلقي ربيعك تلعنك لغراب
ياالكور قل للعوالق كلهم دفره = عاقل وتابع وشيبتهم وقل للشاب
والامر قل له وخوته قامت ألثوره = قل لي لذي عادهم يبزون في لمزاب
لاتفسلوافي النمر ذي حل في ألفقره = ربيع جيش العوالق كمن اصفر ناب
وان قد فسلتو تخابر توا علي ألفره = قد خير ياناصر احمد تطحوالسلاب
وان كان جدتم وكلن رد من عمره = نهار ما جيت بقطف لك شقر وزاب
وبدري أن العوالق ذي لها الشهره = من لحج للكور ألي بيحان لما نصاب
وبعدياطير ياعازم تبا ألنشره = من مرتعه ذي تسيل اشعابها معناب
اذلح كتابي علي ذي سرت في جبره = بن لزنم الملتوي في الوادي الغلاب
قل لى لناصر عسي لعيانه النفره = ورجله الثانيه تحنب في المحناب
اعذر من حاسبه دهرة ةفي قبره = أن كان لا افسح من الشخاط والكتاب
والفا صلاتي علي من نورواقبره =عليه صلي وسلم ما خطب خطاب