يا دار جيتك زائرٍ لـك وولهـان=جيتك وانا واجب علـي الزيـارة
لأنك تضمي داخلك اطيب انسـان=ريمٌ صغير والحلا فـي سمـاره
جيتك وانا قلبي لشوفته ولهـان=اسأل عن اللي فوق خـده أمـاره
الصاحب اللي داخل القلب له شان=اخـذ شهـادة للجمـال بجـداره
العلم عنـدك لاتقوليـن غلطـان=ابغي جواب يكون صريح العبار
تخبريني تكسبي بـر واحسـان=فأنتي اساس الحب وانتي شعاره
ردت علي الدار نعم هو هنا كـان=هذي نقوش اسمه تزيـن جـداره
رحل مع من كان فيها من اخوان=راحوا الى البندر وارض الحضارة
وزوجوه اهله على عود كحيـان=الشوف روح والسنون استعـارة
رجعت انا وعندي بقايا لعنـوان=كان صاحبه موجود وهذي آثاره
وكففت دمعًا كان به الخد غرقان=وحلفت اني لـن اقـرب لـداره
واحط عازل بين قلبي والاحـزان=وادفن انا حب الغضي جنب داره
واختم واصلي عالنبي نسل عدنان=اعداد ما دار الفلـك فـي مـداره