الديرة اللي مابها راحة النفس== ارحل ولاتكثر عليها المحاسيف
إلى الناس ضدك والعمل والزم نحس== والكفو فيها ضاع ويا المعاريف
سافر تريح خاطرك ينعم الحس== وعسا حياتك سعد عقب التكاليف
ديرة بها بعد الشقا تنكلس كلس== كلام يوجع كالجروح المنازيف
وكل همومك عند من ينبت الغرس ==وهو الذي يجلي الهموم المراديف
وأسرح وتو النور ماشع من شمس== واترك ورا ضهرك همومن مصافيف
على الديار اللي بها حالي الهمس ==مرباعها ياخوي يطرب له الكيف
بين الخضار وبين لزهار والطعس== والعلم غانم والمجاهم معاطيف
ورجالها لو مامعك بالخبا فلس== شالوك فوق الراس وأغلا المعاريف
أرتاح فيها لو معاشيبها يبس== ديرة لها قلبي وروحي مشافيف
مادام فيها ناعم الصوت واللمس ==دعج العيون اللي خدوده مراهيف
يعجبني اسلوبه وعيونه النعس ==وبسمته لاجا له من الزعل طيف

وسلامتكم