السلام عليكم ورحمة الله
واسعد الله بالخير اوقاتكم
نعود اليكم بعدغياب نعتذر عنه
ونعود كما عودناكم مع الشعر الذي نتمنى ان ينال اعجابكم
اخوكم ابوشاجع الاحول


الناس غير الناس والوقت نفسه "
وانا درست الناس والوقت مدروس =
شاعر ومن بعض العرب ضاع حسه "
بعض العرب دربه عن الناس معكوس =
لا يخدعك بالشخص نطقه ولبسه "
ترا اختبار الشخص في فعل ملموس =
بعض العرب حيا بشوفه ونخسه "
اللي يشد الباس لا دق ناقوس =
المعرفه به مال مافيه نكسه "
كسب الرجال ابرك بها ترفع الروس =
والبعض لاقد غاب عن عينك انسه "
بعض الرجال اللي لهم حال ميؤوس =
دايم يشوف الناس في خط عكسه "
واسمه غدا محذوف من كل قاموس =
وش لي بذكر الوقت يومه وأمسه "
واذكر مواجع تجرح ابلغ من الموس =
وين انت يااللي حي شوفه وهمسه "
يامن معي موجود في كل هاجوس =
والقاه في صحوي وفي كل نعسه "
والقلب في حبسه غدا اليوم محبوس =
ودي معك حتى في العمر جلسه "
وانعش بها حب (ن) في القلب مغروس =