مرت ثمان سنين والعين ترجيك ** والعمر قفى بين .. شره ..وخيره
تبيع غيرك لأجل شوفك وتشريك ** والقلب صلفات الهبايب .. تديره
ليتك تعرف الحب في صدر مغليك ** حتى تشوف الفرق في حب ..غيره
لا صار ماشورك يدلك .ويهديك ** أنشد وتلقى عاقل(ن) .. تستشيره
ويعلمك لحظة زعل كيف تعميك ** عن حب صقار(ن) تولع .. بطيره
صديت من نفس" تودك وتغليك ** وكويتها بين .. الظلوع .. القصيره
اقفيت ماتدري وش أخر مساريك ** مثل العمى والأ ضعيف البصيره
ماشفتني يوم التفت لك وناديك ** مابيك تغرق . . فالبحور... الغزيره
بعض الوجيه اللي تغشك وتغريك ** تغيب لا جات... الامور العسيره
تبكي وتضحك بك .. وترجع وتبكيك ** وجهين تكرها ..الوجيه السفيره