باغرف بحور الشعر وباعصر لك مزون=لما المـشاعــر تـرتــوي مـن صبـيبـه
وبا اسرج خيـول الفكـر من كل مضمـون=وبا ازرع حروفي من معاني خصيبه
وبا احـصــد قـصـيـدة كنهـا الدر مـكـنــون=لجـل الـزمـن يحـكـي ويكـتــب أديـبـه
وبا ارسم لك الصـورة بها ينطـق الـلـون= تحـكـي مشاعـر حب تمـطـر سحــيبـه
وانقـش على صخر الزمـن باسمك فنون=وابنـي مـن اخـلاقــك مـآثـر عـجـيبــة
قصيـدتي صـرخـة ألـم تشـعـل شـجـون=وقـصــة وفــا ما تـحـتـوي أي ريـبــة
بـه نـاس لا جــاتـك يسـدو لـك الـكــون= وتـمـر لحـظـاتـك مـعـاهــم عـصـيبــة
وبه نــاس لا غـابـت تـورد لـك جـنـون= وتضيـق أرض الله ولـو هـي رحيبـة
ياسيـدي يابـوي يـاشـيـخ مـصـيون = ودي اجـيب ابيـات لجـلك مـهـيبـة
لكن حروفي صابها ضعف وتهون=تعجـز تصل لطـويـق ولا قـريبــه
لكـن اشـارة قـلب شـاكـرو مديون= للشامخ اللي صعب نرقـى عـقيبـه
ياما احترقت وما تغمض لك جفـون= كالعـود كلـمـا يـحتـرق زاد طـيبـه
تشكي الى اللي امره الكاف والنون= اللـي اذا المـحتـاج يدعـي يجـيبــه
ياالنايف اللي وسط لمواج موزون = يا الشامخ اللي ما تزعـزع صليبـه
يا الزارع اللي تارك الناس يجنون=يسـقـي الـحيـاه ولايـهـمـه نـصـيبـه
لكن حصدت الحب وتبكي لك عيون= لشعـاعـك اللى هـز نفـسـي مغـيبـه
اعطيت يوم ان العطا صار مدفون= فـي مقــبرة لـيــام شـيــب نـحـيـبـه
في وقت ما عاد اكثر الناس يوفون= كنت الوفـي رغـم السنـين الجديبـه
تمسح جراح الحزن في قلب مطحون = وتسجن مشاعر حزن عندك رهيبه
علمتني والعـلـم من بحـرك عـيـون = مـن يـورده لا شـك بـا يـرتــوي بـه
واوصيتني ماامشي ورا وهم وظنون= وما خاوي الا اصحاب نخوة وطيبه
والدين يبقى للفتى حصـن مأمـون = وما غـير رب الكـون حـد بايـثيبـه
وان الزمن ابحارفي موج مجنون=واسأل جموع اهل العقـول اللبيبـه
صح الله لسان الشاعر
ولا هنت اخوي على النقل
والسموحه منك على التنسيق
لتظهر للجميع