السلاام عليكم جميعاا
اسعد الله اوقاتكم بكل خير
اليكم ذي القصيده اتمنى تعجبكم
لا تصدقون تروا جات مع الهواء
قالت تبي قلبي وقلت الله ليه =انتي كذا خبله وتبغيني أموت
قالت بلاك انته متيم ليه فيه =والرعب ينتابك وعاشق للسكوت
قلت الهواء يابنت مالي شي بيه=وما هُم في الدنياء سوا زادي وقوت
بدوي يبي المرعى ويرضي والديه =دايم وراء عنزه ويعشق للخبوت
قلبي بحب البر ربي مبتليه =وانسان لا يعشق ولا يغريه صوت
ماني من اهل الشات لي تمسي عليه =لا ولا اعرف له ولا اعرف للبلوت
قالت ههه قلبك مولع هيه هيه=في حب من تلبس على البدلات كوت
والجنز من شانك انا ادري ترتديه =وترسم شفايفها بلون احمر وتوت
شو فيك سولف لي بدرب ٍ فيه تيه =تكفى ابي اتعلم وباقلط به وافوت
اموااح لك مني وقلبك باشتريه =بيعه انا حبك وبك مغرم واموت
قلت البلاء والله لي قد رحت فيه =يابنت خافي الله وهل قلبك قنوت
مالي بكن رغبه وقلبي نا نزيه =ماهو كما الكوره ومن جاء له يشوت
شوفي لحد غيري اذا قلبك يبيه =ذي يركب اللكزس ويلبس للبشوت
انتي قمر كل الاوادم تحتريه =اما انا شايب وقد بكره يموت
وسواالم
بن فلااح المصعبي