بسم الله الرحمن الرحيم
السلام عليكم ورحمه الله وبركاته
اعتذرلغيابي في المنتدى الراقي (المصعبين)
وهذي قصيدةلغيابي عن المنتدى
البارحه هاجوس فكري سرابي
000 وامسيت من كثر الهواجيس محتار
مدري هواجيس الدهر وش تبابي
000 يالله دخيلك من هواجيس الافكار
اللي تجيني بالشعر عند بابي
000 وتقول وينك غايبٍ قول وش صار
قلت الظروف ارخت علي الجنابي
000 طعناتها بالصدر ويمين ويسار
لين اعتزلت وصرت فاقد صوابي
000 امشي وكني فاقدٍ شوف الابصار
قال استريح وخل عنك العتابي
000 منته من اللي يعترض حكم الاقدار
اطلق خيالك فوق هام السحابي
000 وانسى الهموم وهات من عذب الاشعار
ونوخت للشعر الوفي الركابي
000 وقلت لخيالي هات ما نقبل اعذار
هات البيوت اللي تشرف جنابي
000 اللي تجملني مع الناس الاخيار
وتشد سمع اللي عن الشعر تابي
000 اللي متجنب درب غاوين الاشوار
ثم يطلب المولى عظيم الثوابي
000 انه يجنبنا فكر بعض الاشرار
اللي تغير فكر بعض الشبابي
000 وتصور المسلم لهم قوم كفار
مسلم واصلي وفي نظرهم كتابي
000 يغوونهم عن جنة الخلد للنار
ابعتدل في هرجتي والخطابي
000 مالي ومال اللي جهل بعض الافكار
ابعتذر للملتقى عن غيابي
000 ماهو جفا حاشا ولاكن الاقدار
اللي ابعدتني دون تاخذ جوابي
000 لوخيرتني قلت ما غيرك اختار
منك البدايه والقرار الصوابي
000 ومن يخلص النيه ينجيه ستار
يا كثر من هم حاولو فالخرابي
000 لاكن بعون الله تعديت الاخطار
الملتقى زادي وعنده شرابي
000 منه اتغذى وارتوي واسمع اخبار
افراح ربعي حزنهم والمصابي
000 ونقوم بالواجب ولو ظغطت ازرار
الدار داري والعذر عن غيابي
000 ارجو قبول العذر من نسل الاحرار
والعذر مني للربع والصحابي
000 وللملتقى الرسمي ومن جاه زوار
ابعتذر لوكان محدٍ درابي
000 يكفي اعتذاري منك يا ضلع سنجار
((((((الجناح المسلح)))))
2002