تسأل عن احساسي ولحساس ما طاب=من يوم عني غاب زين السجايا
يا غايب (ن) عني وطاريك ما غاب=يا قُرة اعياني وغاية منايا
لا حس لا طاري ولا خط وكتاب=حتى رساله ما لفت يا ظنايا
ماتدري ان القلب بالشوق قد ذاب=في غيبتك يانور عيني بلايا
يافرحة ايامي وحبي ولعجاب=جرحتني بيدك وبيدك دوايا
الوقت عاندني ولي حظ كذاب=فرقاك خلتني مجرد بقايا
اموت واعرف غيبتك ويش لسباب=تمسي خيول افكار عقلي هذايا
ان كنت متغلي على قلب مصتاب=يفداك قلب (ن) والع (ن) بالحنايا
ون كان ضرفك يا اريش العين غصاب=عسى تعوَّد لي وتروي ضمايا
ان كان قلبك عن هوا القلب قد تاب=قلبي نثر حبك بكل الخلايا
مبسمك والخدين ورموش لهداب=العين تلمحها بكل الزوايا
حبك ملا بيتي من الباب لا الباب=خلَّص علي لنويت تعشق سوايا