يا الله لك الـــحمد يا مــنان رزاقـــي = يا مالكالملك وانت الواحد القيوم
سالك تقي خلق ما غيرك لهم واقي = يا حاكم الحكم خففها على المحكوم
وقال ابوريم هزه شوق لشواقي = لما تسمع لصوت المطربه كلثوم
والهاجس ابطا علي في بحر لعماقي = مع لجده زواجه قعص بن قلزوم
وقال لبيك لك عهدي وميثاقي = وجبت لك جيش متعود على التقدوم
لو انته تبانا لساوي روس لذلاقي = تصبح مطارات للميراج والفنتوم
مسكين لنسان ذي دايم وهو شاقي = من يوم يخلق وهو تحت النكد مرزوم
ظالم لنفسه على الزلات مستاقي =حرم حلاله وحـــــــــلل ذي قده محروم
سلام مني عدد ما لاح براقـــي = و ما قاد سبله براس الشامخ المردوم
من جاهم الصيف له رعد زعاقي = واوطت سيوله تسافح سومها الكموم
سلم لهم كلهم من عطر زفاقـــي = نخله وسيفين طا بعها قده مرسوم
هم على النت لهديهم من اشواقي = تعبير عن ود في صدري لكم مكتوم
يا دولة الشعب ذي جتنا بتبرياقي = والشعب صبح قفأ ترياكم مسموم
كلآ وهو سال دمه فوق لعتــاقي = دايم حجامه ولكن ماشفي المحجوم
ماحد بعقله يقارب موج لعماقي = ما دام عاد السفـينه شقـها مثلـــوم
هذا خرج فصل مستوفي بحقاقي = عنوانه الصبر يبني كل ذي مهدوم
والفصل بعد الذي قد قلت لحاقي = با رسله في رساله لفظها معلوم
بقيت فصلي ولا ودي يقع باقي = ما با لزجه وانا شوف القمر مغيوم
كمل مدادي وقلت بعض لوراقي = والشف مني لكمل باقي المنظوم
ختمها ما لما بـــراق شـــعاقـــي =با لمصتفى ذي هزم فارس وجيش الروم
ما الحاج لبا وقد له قلب خفاقي = عساه يصبح قفا ذا التـــلـبيه مرحـــوم