الخالدي قال فكو قيد من ساق رجلي= با مر عابر سبيل
عليش بالله يا ريح اعبري عند خلي=قولي له اني عليل
ما له كذا ذي بيفقد صاحبه لا يولي=يثبت علينا قليل
هاتيه يا ريح لما تطرحينه محلي= كوني لخلي دليل
قولي يبادر عليا بالدواء ذي معه لي= وربه الزنجبيل
وتخبرك كيف عادك بعدما شفت ذلي =راضي لي ابقى ذليل
رع المحبه رضي يا خل طاعه وجُملي =ماهو بدحن الصميل
عليك بالله هل عادك على العهد مثلي =او قد نسيت الجميل
لانته على العهد ما يحتاج تسمع بقتلي= يا خل شفني قتيل
رعني لاجلك مقيد مقدر افك رجلي =والحمل فوقي ثقيل
با قول لك ويش قصدي وانت يا الخل قلي= رع ما معي بك بديل
قد بحسبك راس مالي لي ورثته من اهلي=وشملتي والشليل
وبحسبك خير من سلطنة لحجي وفضلي =والحاشدي والبكيل
وارض اليمن كلها والشام شرقي وقبلي=قبيل وانته قبيل
مابك سخى يا الكحل لثم الدواء عال اصلي=تجزع على كل ميل
داو النظر ذي يخلي نون لعيان مجلي=تلمع وتشعل شعيل
نعيم يا المهر يا ذي قد السرج محلي= وعيان سودا كحيل
سيبت من اجلك اعمالي وضيعت شغلي=ودمع عيني يسيل
يا عابد الله اذن قم معي با نصلي= قبل السفر والرحيل
بي خوف لاموت قبلك او تموت انت قبلي= والتمر فوق النخيل
لاكن عسى طال عمرك لي ولهلك ولهلي= وجعل زمانك طويل
قم وسقني كاس من يمناك وطرح وملي=من نهرك السلسبيل
رعني دخيلك وعندك ضيف حطيت رحلي =لو با تعز الدخيل
جاوب علي قال لك مملوك كلي بكلي=ما عاد غيرك عميل
يا صاحبي من معه صاحب بقربه يضلي=من صاحبه ما يميل
وقلت ذا واجبك يا عطر كاذي وفلي= باكيل لك وستكيل
يا ليلة النور من ذا الملك يا النفس شلي = عمبى وجلجل شليل
يا ناس لا حد يجنني رعوني بعقلي=لومي على بن عقيل
مانا حمولي مع الجمل عالحيد لعلي=قدها براس النقيل
حطيت بسفل سماره من على الظهر حملي= والصرف بيد الوكيل
ضليت ومسيت حيث الخل بيت وضلي=من عالسرير ابنكيل
يا ليلة النور ضلي كيل ذا لك وذا لي=وانت البخيل الذليل
يا الله سلك ختمها بحسان فرج وجلي= عني وكن بي كفيل
تمت وبالخير عمت عالنبي با نصلي=مولى المقام الجليل
عساه يشفع لنا من نار تشعل وتقلي=من حرها والكليل