أخي الفاضل النعيمي لو أخذت الفتوى أقلها من قاعدة درء المفسده مقدم على جلب المصلحه ومفسدة هذا اليوم عظيمه فا أكثر المحتفلين به هم العشاق خارج الإطار الشرعي إلا إذا هذا قده مباح مدري وفيه وجهة نظر الله العالم قد الدنيا تتطور بسرعة البرق والفتوى إصبحت جاهزه اهم شي لا يزعل العم السام فتطورنا مربوط بتبعيتهم في كل شي ...

ننط للموضوع الثاني إنت حصرت العداوه مع إسرائيل وكيف ذه مدري
وكل اللي سوته أمريكا وأوروبا من حروب وتعرض للرسول الكريم صلى الله عليه وسلم وش تسميه ذه
روسيا ومجازرها في الشيشان وغيرها وش تسميه ذه
الصين ومذبحتها لأخوانا المسلمين هناك وش تسميه ذه

ننط اللي بعده العلماء تبى الصدق كلامك يخوف فيهم ويدل على إنفتاح في العقليه ماهو طبيعي
وإنت تعرف إنه من قال هلك الناس فهو أهلكهم فكيف وإنت تجزع العلماء كلهم وتزحلقهم كذا مره واحده يا لطيف والهنجمه
أما العلماء فوالله إن الامه مازالت بخير ولكن منهم من غيبته سجون الطواغيت ومنهم من غيبه الإعلام
أما انا عن نفسي فا اتفق معك في نقطه إني مشائخ الفضائيات غسلت يدي منهم من زمان ولكن هذا ما يعني الهجمه ذه على العلماء
والإجتهاد في الدين حسب معرفتي وانا معرفتي على قدها الصدق لكن إن له شروط ماهو كل من جاء إجتهد ولا كأن صدقنا القذافي يوم قال خلاص معاد نحتاج نقول قل في بداء السوره لأن قل كانت موجهة للرسول صلى الله عليه وسلم والرسول توفي فخلاص معاد يحتاج وقلنا ذى إجتهاد وصدقناه

وننط اللي بعده أشوف كثر المعترضين على بعض الفتوى يقولون إن هذه الفتاوى سبب تاخر المسلمين ولاهم لهم إلا كل ما يتعلق بالنسوان ولا الرومانسيه ولا الإختلاط فهم مادام إنهم أصحاب عقول نيره ليه ما طوروا الامه وصنعوا أشياء تفيد الأمه تدل على إن سبب تخلف الأمه بعض العلماء المتحجرين على قولتهم
بس تبى الصدق ما شفت من ذولاء المنفتحين إلا تقليد الغرب في ما لاينفع ولا يفيد ليتهم يسكتو ويصنعوا شي يفيد يمكن نفكر إنهم صدق ناس واعيين وفاهمين التطور وليس التبعيه للكفار في كل شي

وفي الأخير مثل ما تشوف نطنطت من نقطه لثانيه والرد كتبته وانا مفحط فالمعذره لو فيه شي غلط مع الإعتراف با ن علمي وثقافتي على قده بس حبيت انطنط معكم هنا
..................
ودمتم بود أخوكم فتى الأدغال