لو كان لي جنحان باطير الى داري = وسلم على من حلها او سكن فيها
دياري ديار الخير والعز يا قاري = بيوت الشعر ماظن يا خوي توفيها
دياري ذهب غالي ما ينباع يا شاري =عروق الفواد اللي من الدم تسقيها
منوى الديار اللي لها ترحل افكاري = وهي ذي وسط قلبي وبالروح بافديها
غلاها وسط قلبي مع الدم به جاري= وفي مقلة اعيوني على الناس مغليها
نقشت اسمها في الصدر منحوت تذكاري = عشان اعشق الذكرى اذا حل طاريها
تمنيت لو فيها وسجل بها اشعاري = واشوف الاهل والدار واللي سكن بيها
تمنيت لو لحظه اجيها ولو ساري = على الرجل لو بامشي انا اميال ما اشكيها
على شان اخبر ساكني الدار باخباري = ووشلون انا الايام في البعد اقضيها
وكيف البعد يجرح ويشعل فيّه ناري = وكيف اشتياقي زاد للدار وابغيها
وكيف الدمع عّ الخد قد سال مدراري = وكيف القلم في اليد مــِ الشوق يبكيها
ويشهد ظلام الليل يا دار سهاري = واقول الكذب للنفس من شان اسليها
على شانها يا ناس تدروا وش اسراري = متيم وسط صدره غلا الدار واهليها
تحيه من اعماقي الى الدار والجاري = وكل الشباب اللي في الدار تحميها
من القلب ازخرفها وتعزف على اوتاري = عشان الشباب اللي على البال اغنيها
ولو كان لي جنحان باطير الى داري = وابوس التراب اللي تجمّع باراضيها