بسم الله الرحمن الرحيم
كل الشكر والتقدير لك الاخ العزيز ابن لحول على هذه الفكره الجميله ويعتبر أقل واجب اننا نفتخر بقبيلتنا
وتقبل من اخوك ابوشاجع اصدق تحيه
وحبيت ان اشارك في هذا الموضوع بهذه الابيات
قال ابن لحول هاجسي لاقلت له يضوي ضوى=من قبل رمش الآدمي يغمض وحرك حاجبه
يغرف من ابحوره قصايد من يطالعها ارتوى=ماينظم الا شعر يتشرف بنظمه كاتبه
ناديت له واقبل وطاب الجو عندي واستوى=واعلن طواري والقوافي جاهزه متأهبه
متأهبه تكتب قصيده في رفاع المستوى=اللي بهم يشتد باسي في الليال العايبه
افخر بهم واقهر بهم في ساعة الضيق القوى=ولا يروم المجد ذي مايفتخر في صاحبه
ابنا المصاعب لابتي لا راعد الشده دوى=تشوفهم مثل الصواعق ذي قويه لاهبه
لاجت على شامخ صليبي من لهايبها هوى=قوه منيعه والعدا من نارها متهايبه
اسم المصاعب في السما شامخ ومضمونه حوى=العز والرفعه وزينات الفعال الصايبه
تاريخ له مذكور من عهد الزمان اللي انطوى=قواعده متأسسه في الارض ماهي ذايبه
تاريخ ماينسى ولوحد قال ولا حد دوى=فالاصل يبقى اصل مايفنى ولوحد قال به
كم منهم عادي انكسر وكم وكم ذيبن عوى=رجال لاقد شي استوى كم هيم يعصر شاربه
والرجل لاشي واجهه في باطن ايامه غوى=ماتقهره ليام لاقد صاحبه لا جانبه
سلام عبر المنتدى ماهب نسناس الهوى=لبنا المصاعب قاله الشاعر وهذ واجبه
وانشد على عسكر لوا لكن بلا قايد لوا=هل هو سوى ماجالهم قايد لوا او نايبه
والختم صلى كل قاري في ختام المحتوى=على النبي من قد قرا صلى ونفسه راغبه