بسم الله الرحمن الرحيم
ابتدي بالذي سوى على الارض لوتاد=خالق الكون ذي يعلم نوايا عبيده
ذي يسخر لنا لرزاق والشرب والزاد=احمده حمد مايبرق وتسمع رعيده
قال ابو شاجع الهاجس على بحر وراد=بحر لشعار ياتي بالحروف السديده
والقوافي لهوجاسي على طول تنقاد=في دقايق وجيزه ينظم اعذب قصيده
بعد يامرحبا مليار في الف او زاد=مرحبا مرحبا في كل ساعه نعيده
مرحبا ابيات شاعر فيه كلن وهو شاد=مرحبا به وبالقيفان ذي خطت ايده
والسمرطاب يا الهوجاس ماتشتي ارشاد=حضر القاف ذي من شاهده بايشيده
وارسل ابلغ تحيه للمتابع ورواد=منتدانا وابو ريم ادها لا بريده
له سلامي بعطر اصلي وعوده مع الكاد=عد ماحنت ارعوده وماسال حيده
وان تنشد علينا قله احنا وسط واد=في بلد عين في شبوه من ارض السعيده
وانه الجد هو واحد ولااحنا شي انداد=جدنا مصعبي والدين نفس العقيده
عشت في الحجب ذي منه عجز كل حساد=ذي على العز تحماه الرجال الرشيده
ال لحول حزامي ذي متى حان ميعاد=يدحرو كل عادي قد نوى للمكيده
والمصاعب دفا جنبي وهم سنح وعضاد=لابتي لاقد النيران شبت وقيده
ليت ماضي لنا ياصاحبي من زمن ساد=يرجع اليوم يا ليت اننا نستعيده
ماضي اجداد عاشو شمخ اصلاب وشداد=والإخا بينهم ياخوك عالي رصيده