منتديات المصعبين - ياوجــــــــــــــــــــــــودي

ياوجودي كلمـا قلـت لـي بيـت قصـر=عن وصوف الزين عيا يوصف لي حـلاه
اطرق ابواب الشعر وازهم بيـوت الشعـر=كل بيـت مـن غلاتـه ينـاد اللـي وراه
ويش اوصف ويش اخلي من اوصاف القمر=والقمر لا من ضوى الليل يجذبنـي سنـاه
في عيونه نظرة الحـب والمـوت الحمـر=كن عينه رمـح ابـو زيـد لامنـه رمـاه
والشفايا فـي حلاهـا مثـل لـون الجمـر=لابتسـم تجمـع الثلـج مـع حمرالشفـاه
والجدايـل كنهـا الليـل لاغـاب الـبـدر=يوم وجهه كنه البـدر فـي ليـل الدجـاه
كن عنقه عنق ريميـة بـارض(ن) قفـر=مرتع قفر(ن)من النـاس مـا حـي وطـاه
مايذيرها سـوى ظلالهـا وقـت العصـر=لاستذارت تسبق الريـح لاذعـذع هـواه
والقوام بوصفه الين مـن العـود الخضـر=يتثنـى ويتمثنـى فـواد الـلـي هــواه
ياعذابـي كلمـا الـد عيـنـي يابـشـر=اتعـزز وان لقيـتـه يضيعـنـي حـكـاه
لو نظرها شاعـر يسبـح بشعـره بحـر=من حسين الوجه ينشب لسانه فـي جمـاه
والمصيبه بنت عود(ن)من شيـوخ الظفـر=يزبن الجانـي بضفـه ليـا منـه نصـاه
ياوجـودي ياصـدوف الليالـي والـقـدر=وجد من صوت لربعـه ولا سمعـوا نـداه
اكسـروه القـوم واقفـوا بـذوده ماقـدر=كلمـا صـوت لربعـه يعـود لـه صـداه
او وجـود اللـي تعلـق بحلـم منتـظـر=والمصيبه يـدري انـه بعيـد عـن مـداه
اتوجـد والتوجـد مثـل طعـن الـصـدر=والتوجـد يوجـع الصـدر ويبيـح خفـاه
يالطيف الـروح خـذ كلمتـي بالمختصـر=من قسمك الله لحضه عرف طعـم الحيـاه