منتديات المصعبين

منتديات المصعبين (http://www.almosaabi.com/vb/index.php)
-   المنتدى الــعـام (http://www.almosaabi.com/vb/forumdisplay.php?f=2)
-   -   ..(( ماكذبت أمي عليّ .. يوم قالت .. ؟؟؟؟؟؟؟؟؟ ..)) (http://www.almosaabi.com/vb/showthread.php?t=21675)

رضاهم جنه$ 29-11-2010 06:09 PM

..(( ماكذبت أمي عليّ .. يوم قالت .. ؟؟؟؟؟؟؟؟؟ ..))
 
.. السـلام عليكم ورحمه الله وبركاتــه ..
.. مــــسااكم كله خــير وسعااده ..

ماكذبت أمي عليّ .. يوم قالت ..


ياجنيني...
لاتنام إلا متوضي
وصل .. لله ركعتين
واقرا لك لو آيتين
وارفع يديك وتضرع .. بالدعاء
يشرق النور بجبينك
ماتجيك أحلام توحش
وماتقوم الصبح
مهموم .. وحزين


ماكذبت أمي عليّ .. يوم قالت ..

ياجنيني...
لاتفرط في صلاتك
ولايغرك حب ذاتك
ولايبل الريق مسكر
حتى لو يبست لهاتك
إحرص .. تصلى جماعه
وكل ساعه
راقب الله في حياتك

ماكذبت أمي عليّ .. يوم قالت ..

ياجنيني...
لاتصير إنسان جارح
إضحك بوجه الجميع
عامل الناس بتسامح
لاتفرط في حقوقك
لاتجامل في النصائح
ولاتثور .. تصير فاضح
وإن لمست عيب صاحب
لاتنافق .. ولاتصارح
وإنتبه من هالنصيحه
لاتصير إنسان غامض
ولاتصير إنسان واضح


ماكذبت أمي عليّ .. يوم قالت ..

ياجنيني...
اظـفر ببنت الحلال ..
ولا تطالب في المحال ..
عامل بحسن النوايا ..
ولاتدقق في الخطايا ..
يــاجـنيني زوجتك ..
لاتبتذلها
ولاتجـرّح في أهلها ..
وفي حياتك
لاتعز النفس عـنـها ..
ولاتبالغ في السؤال ..

ماكذبت أمي عليّ .. يوم قالت ..


ياجنيني...
إحذر .. أولادك ومالك
لاتجافيهم وتقسى
ولاتبالغ في دلالك
ربهم بالخير .. تربح
وعلم النفس القناعه
وعلم القلب الشجاعه
ولاتغطي العين وتحلم
وتخدع الرآي بخيالك

ماكذبت أمي عليّ .. يوم قالت ..


ياجنيني...
إنتبه .. لاتبني دارك
قبل ماتختار جارك
وفكر بحق المجوره!!!
لايحس إنك ظلمته ..
وإلا إنك يوم خنّته ..
وإلا توذيه بصغارك ..


ماكذبت أمي عليّ .. يوم قالت ..


ياجنيني...
إن وعدتَ وعد .. فاصدق
إحذر تزل بلسانك
أو تقلل يوم شانك
عش عزيز النفس تسلم
حاجتك للناس .. علقم
لاتبين ضعف حالك
أو يغرك زود مالك
ولاتهين إنسان .. تندم

ماكذبت أمي عليّ .. يوم قالت ..


ياجنيني...
خلك إنسان بكرامه
لاتغرك هالأمور
المناصب
والقصور
فكَّر بيوم القيامه
فكَّر إنك ماأنت خالد
رحلة الدنيا قصيره
تلقى نفسك في سلامه

ماكذبت أمي عليّ .. يوم قالت ..

ياجنيني...
إحذر تصير البخيل واحذر تبذر وتطّغى
واحذر تعيش بخساسه
أو ذليل
ولاتنام بيوم خالي
لاتنام بدون لاتفعل جميل
تلقى نفسك في معزه
تلقى روحك في شموخ
عش أصيل
ومت أصيل

ماكذبت أمي عليّ .. يوم قالت ..

ياجنيني...
كل ماسويتْ فيني
أو في أبوك
تبي تشوفه من عيالك
بر فينا تلقى بِرك
ياعسى الله لايضرك
والله الله
لاتلين بضعف تعصر
ولا تقسى بشر تكسر
إصحى .. وإحذر
زوجتك تشكى وتكدر
لاتدقق في خطاها
وإنتبه تكشف غطاها
تسعد بنعمة وفاها
وتلقى منها مايسرك


ماكذبت أمي عليّ .. يوم قالت ..


ياجنيني...
لاتمل هموم حملك
ولاتظن الناس مثلك
واصنع أمرك من يمينك
لاتدور من يعينك
بين ربعك .. ولاأهلك
لاتعامل باللي تكره
ولا تجارم وإلا تشره


ياجنيني .. ..
هذي وصايا ..
لاتفرط في بعضها ..
ماتتوه الشمس عينك ..
أو تتوه الأرض رجلك ..

ياجنيني .. ..
هالأمانه
حاول تحمّلها طفلك !! ....

.. وســـــــلامتكم ..
م ن ق

راعي الفزعات 29-11-2010 06:29 PM

وعليكم السلام ورحمة الله وبركاته


والله الكلمات رووووعة × روووعة إبدآآع ماله حدود




والله نصاائح ولا أرووع




تسلم يمين كاتبها



مشكورة ع الطرح المميز لأهنتي

وردة 29-11-2010 07:48 PM

يسلااااااااااام وربى كلمات رائعة تسلم يمينك يالغلااااااااااااااا


جميع الأوقات بتوقيت GMT +4. الساعة الآن 09:26 AM.

المواضيع المطروحة تعبر عن رأي كاتبها ولاتعبر بالضرورة عن رأي إدارة منتديات المصعبين
Powered by vBulletin Version 3.7.4
Copyright ©2000 - 2009, Jelsoft Enterprises Ltd
جميع الحقوق محفوظة @ موقع المصعبين