منتديات المصعبين - ,., جمره وملقاط ,.,

مع التحيه والتقدير

كلمات الشاعر مرزوق الرمالي

مليك الحس الاقشر لا تمنذل واترك الافـراط
قبـل قـوّت ظنونـك ترتطـم وتقـل قوتهـا
رفعت اليد اسلم ما رفعته خـوف واستبسـاط
واذا روحك دعتك لشي ثانـي خـل دعوتهـا
زعيم لـمملكة نبض المشاعر بس دون اغلاط
ولا تلمس هجوس(ن)بالخطا تفقـد مروتهـا
وانا مع كبريائـي والمحبـه جمـره وملقـاط
تهون الروح لجل الكبريا لو نشـت ذروتهـا
يموت الحلم با طراف الخيال ليا لقا الاحبـاط
واكيـد الذكريـات تمـوت اذا ودك تموتهـا
عطيتك موجز الحاله بلا تهويـل واستعبـاط
واذا جت فرصة(ن) فيني تهمـك لا تفوتهـا
انا لولا الدوافع ما فرشت من الورود بسـاط
ولا جات المحبه هي رضا روحـي وثروتهـا
تركت من الغلا معول على راس الجفا مخباط
وحروفي لك جواد ولا عذر في حـال كبوتهـا
وترا ما همني تهويل واستحـداث واستنبـاط
وعذولي لو سوايا الكيـد سوتهـا وسوتهـا
مادام القلب يحمل لك غلا مقيـاس كيلـو واط
تخاو, انت وهجوسي واحترم لرضاي خوتهـا