|
وصـــف جمال البــــــــادية في شعر بن لحول وصف جمال البادية : (جمال النساء البادية والصحراء) من خلال قراءاتنا لقصائد الشاعر نلاحظ قوة التعبير والتشبيه في الوصف وكثيرا ما يشبه جمال المراءه بالضباء (الصيد)فهو دائما ما يستخدم ذلك الوصف : معك فن ماشفته في الأردن ولا لبنان = ولأمصر ذي في النيل سوس مبانيه عيونك بحور الحب وشوا طيها لجفان== لسبال تتكلم بكلمات سريه ملكني هواكم ياادعج[1] الناظر النعسان== وكلماتك العذبة وبسمات سحريه كلامك على كبدي مطر يروي العطشان== ولأعل[2] هل حبك لنا صادق النيه ويقول في هذة الأبيات : صدفناك يا ذي نظرتك تشفي المحزون== يابو عيون سود وإسبال فتانه ويابو كلاما عذب في المبسم المزيون== تخلي قلوب أهل الهواء فيك ولهانه ويابو خدودا صافيه مالها صابون== وحسنك مزيد من على كل فنانه كلامك عسل والعالم الله وش تبغون == وفا أو خيانة في الهواء خان من خانه ويوصف الشاعر في الأبيات التأليه من شاهده وبجانبه خمس أخريات من بنات البادية : من الريم خمسه سأعفن صافي الغر ه == يكون قلوب أهل الهواء عمد بالعاني وفي البر معهن ما أحسن المشي والسمر ه== وما حلى البراقع فوق كحيلات لعياني تمنيت اساعفهن وخذ عندهن فتره== وخلي بلادي واترك اهلي ولخواني الى إن يتفرد بالوصف لواحده منهن: لعيان غضي تفاح شامي وسط نحره== وخمر الهواء بين الشفايف ولسناني تعديت كل الوصف يا ليم أبو سره== ويابو خدودا مثل تفاح لبناني منذق جدايل نازله من على ظهره== رماني بلعيان السواجي وكواني ولولا الملامه والحيا باتابعه بثره== وباقول ذا اللي في طريق الهواء اغواني وفي هذه الابيات وصف جميل وتشبيه بليغ : انته شقيق البدر في شفته سحب بيضاء انطوا== وانته قمر في الارض ثاني والسحابه زنته سبحان ذي سواك كم وجهك من الفتنه حوا== سحر النظر والخشم والمبسم سحرني كلمته وهنا يصف بنات الباديه ويحدد الفرق مع بنات المدينه : ماحلى الصباء الناعم مع ضل الغصون الراويه == يتنقلن تحت الشجر في الضل كم من غانيه ظمر الخصور الهيف زينات العيون الساجيه == الواحده منهن من امات المدن تسوى ميه ذي خدمن للضيف في حر الشموس الحاميه == حب الكرم للضيف يدفعهن بهمه عاليه وهنا وصف جميل يتحدث عنه الشاعر: فاتن فتني بحسنه حين مر== سبحان رب السماء ذي صوره غرت جبينه تشابه للقمر == ومبسم احمر عليه البودره لقيت اغباش يتحدى القدر== تنعومة الصيف طلعت مظهره زاده من الحسن ربه وافتخر== ماقسى كلامه وحكمه مجوره الى إن يقو ل الشاعر: والله فرق في الفواكه والخضر== وفرق بين الذهب والجوهره وفرق في الزهر تربية المطر== بعض الزهر لالمس حد عطره نادوا طبيب الهواء ماشي عذر== ولا يحط الدواء والدكتره ويصف الشاعر في هذة الأبيات : على غربي الريان يرعى ابل سوديات[3]== باركت للمرعى بشوفه وهنيته بنظرة وسيع الصدر وعقود جنيهات == في الحلق[4] من تحت الملابس تساديته عيون المهاء له فوقها اسبال قتالات== وخصر انطوى في غيرها مابعد ريته خلق ربنا في صورته بالجمال ايات== حسبته من الجنه خرج يوم لاقيته وفي الابيات الاتيه وصف جميل : يابومبيسم يلمع البرق منه == خل دمع اهل الهواء جارياتي والخد كن سيف والخد دهنه==[5] مثل الورود الراوي الناعماتي وممصونه[6] مابانت الابمنه == ومضلله بالجعد ومبرقعاتي وبونهودا واقفه تحت زنه[7]== بانن لنا وهن من غيرنا محجباتي احسد عليه الثوب ذي يلمسنه== ماحد من العشاق سوى سواتي ويصف في هذه الأبيات : عيون تنذر كل عاشق بتهديد== فيها الخطر قلب الولع يكتوي به نوره يغطي نورها ظلمة البيد== مثل القمر ذي من سراء يهتدي به وفي هذه الأبيات وصف روعة الحبيب : ياطبيب المحبه داوني من دواك== داوني ما يداويني مداوي سواك واسقني ياحبيبي من رحيقك وماك== أنت الذي زادك الله في الهواء واجتباك ورد خدك مشرب بالدما من حياك== ماوصل في جمالك حد ولامستواك وانت زاد ربك بالسعاده حلاك== فرشك ازهار والجعد المنسع دفاك اسعد الله صباحك واسعد الله مساك== يامن الحسن تاجك والمهابه كساك عادني في هنا مادام عيني تراك== وان غبتوا فبا ودع فؤادي معاك وهنا وصف لما يسميه الشاعر ويشبهن بالضباء الصيد : ذي تصبح الصيد طارف واديه تجري== في وادي الخير يتمشى بحريه عذب اللماء[8] من شفتهن يقطر الخمري== واعمارهن من تراب المسك مجليه ماقدر على وصفهن مهما كثر شعري== يتنوعن في عيون الشعر يوميه كم حد يصف في الشعر والثغر والنحري[9]== تزيد لوصاف في الصيد الشماليه في الابيات التاليه يقول: بربك ياكحيل العين مولى اسبال ذباحه == دلا بالقلب ذي قفله على يدك ومفتاحه صغير السن سارح في الهواء لافين مسراحه== وفوق الحاجبين السود يلمع نور مصباحه على هونك[10] تمهل ياصغير السن بالراحه == ولاترمي قلوب اهل الهواء باسبال جراحه وهن وصف الشعر ونختار منها الابيات التاليه : مشكور ياناثر جعوده على الكتفين == ثلاثه خدم تمشط وست يدروونه على شان لاجعد الغزيل يلاه الطين== تربى معه من وقت ماهله يربونه ويقول في البيت التالي: يا ورده في لمسها نفحات الشذا والعبير == لمس اليد بايجرحك ياناعم شبيه الحرير وفي قصيده طويلة نختار منها الأبيات التأليه : بالوجه الجميل الناعم والعينين ربي زانه == والمبسم عسل جرداني والسكر بياض اسنانه تمسي صورته في عيني واتساد بياض اوجانانه== هل شي ذنب بعد التوبه عفوا الله لي واحسانه يامولى الكفوف البيضاء والحناء خضاب ابنانه== بعدك مال قلب الشاعر وانته في الهواء سلطانه وهنا يتسال الشاعر عن صاحب الجمال : قال بن لحول مانت ياذي زادك الله بالجمال== ماحد كماك اعطاه عنق الصيد واعيان الغزال وانت العسل ذي ماتلاه ايد المعسل والحبال== ولايلاه الا شعاع الشمس وانوار الهلال حسنك مزيد اكتمل فيه العذوبه والدلال== هل في جنوب الجزيره نشاتك او في الشمال وهنا يشكو حاله ويصف معاناته : أنت الذي لا ذكرتك ذكر تلهيني== كم ليلة أسهرتني وامسىالقلم في يميني واكتب به إشعار من شانك تسليني== مريض وشف فادني قلبك حجر ما يليني وان قلت بنساك كنه صوت يدعيني== من يوم قابلتني يا بيض نضيف ألجبيني في مبسمك خمر هل تسمح وتسقيني== باريتك أسقيتني مآبا المداوي يجيني وهنا يصف ذلك الحبيب بهذه الأبيات : أسعدني الله يشوفه وشوفه اكبر تجاره== ذي فن البداوة وأكثر فنون الحضارة ومبسم لوتكلم للحيد[11] لانت حجارة== ولو يراجع لعاشق مسجون فكوا حصاره ماكان بعصيك في أمرك شمسان أوحيد زاره== لأعصاك قده[12] بسيفك إسبال عينك شفا ره ولو تشوفه محاكم ست في بلدها سفارة== في عاصمة كل دولة بايؤخذ اكبر عماره ويقول في هذه الأبيات : اجلس معك يا شبيه بيض النعام == واعيان حمراء في سوادي كلمت لسانك يا فطور الصيام == ولا المسجل والروادي يابوجبين ابيض يشق الظلام == كنه قمر في الجو بادي[13] حط القنع منك وحط اللثام== واسمر معي في ليل هادي ويقول في هذه الأبيات : لوانها عند الوقوف تكلمت == لملات قلوب العاشقين غراما ولكنها عند الوقوف تكبرت== وتكبرت حتى ترد سلاما غير أنها من طرف عينها رمت == داخل قلوب العاشقين سهاما وفي قلوب العاشقين تحكمت == وتوقفت من سيرها الاقداما ومن قصيده أخرى نختار هذه الأبيات : يهنا الحلي بماله ونا معي راس مال== يسوى جنيهات حمراء وخزنة أقوى ريال مولى العيون الكحيلة والعنق عنق الغزال== محلى جماله وفنه وزاده الله دلال كن الجواهر بخده مسقي بنور الهلال== من العسل في شفاته حمراء وطعمه زلال ذا اللي غرامه بقلبي خيم وسوى حلال== وصورته يوم أسافر سعفي[14] وخيرت نوال ويصف هذا الموقف الذي شاهده : عند باب الصحية شفت ابوخد بلور== أهيف القد ذي سوا ذهب في ذراعه يطلب الطب وأحسن طب عنده ودكتور== عنده الطب ذي فيه الشفاء والنفاعه لمس يده ونظراته شفاء كل مضرور== كان يشفي مريض القلب في نصف ساعة من لقاه استراح البال والقلب مسرور== ليق[15] الطول محلى قامته وارتفاعه حير الناس من شوفه وله لبس مشهور== شل جملة قلوب الناس داخل قناعه والمحلات منه والطريق امتلت نور== طلعته مثل بدر الليل ما جمل شعاعه وفي الأبيات التأليه يقول: وبن لحول يقول الله يسبب للهواء تسبوب[16]== تسبب لي وعيفني[17] من المأكول والمشروب على شان الهلي ذي طل والحراس فوق البوب== بلحظة صابني من غير يتعنا[18] في التركوب ويدي ويش وصلها عسل في الشامخ المصبوب== من أغصان الشجر والماء وسط لجباح ساه النوب وكم عاذلت[19] قلبي واختصمنا قال مآبا توب== وعيني ساهرة منه وحالي بينهن متعوب [1] ادعج –اسود اعينين [2] ولاعل – ولااعلم [3] ابل سوديات –نوع من الابل [4] الحلق -- الرقبه [5] دهنه—من مشتفات الحليب [6] ممصونه -- محجبه [7] زنه – نوع من الملابس [8] عذب اللما – عذب المبسم [9] النحر -- الصدر [10] على هونك –على مهلك 11] الحيد -- الجبل [12] لااعصاك قده – لااعصاك شقه [13] بادي –ظاهر [14] سعفي – مرافقي [15] ليق --مناسب [16] تسبوب --اسباب [17] عيفني --اقنعني [18] يتعنا—يتعب في المحاوله = اذلت -- حاولت |
ابيات جميله جدا اخي القلم الحر
ابدعت باختيارك |
قلم حرابداع ولااروع مشكوررررررررtnnnsk
|
القلم الحر شكرا على التواصل والعم عبدالله جاي المملكه
قريبا لابا سبق صحفي معة منهو احمر العين لبا سمرة الى الصبح تحياتي |
عيون تنذر كل عاشق بتهديد== فيها الخطر قلب الولع يكتوي به
نوره يغطي نورها ظلمة البيد== مثل القمر ذي من سراء يهتدي به اشعاره دايم بليغه يعطيه الصحه والعافيه ومشكوور اخوي اقم الحر.على اسلوب التقديم المميز للشعر(*) |
مشكور اخوي القلم الحر على موافتك لنا بتلك الابيات
الرايعه ونطلب منك المزيد ان توفرت لديك اومن احدالاعضاء tnnnsktnnnsktnnnsk |
القلم الحر سلمت يمناك ماقصرت يعطيك العافيه
اجمل هديه منك قصائد الشاعر عبدالله علي لحول للمنتداء وياريت تزيد منها لك اجمل تحياتي اخيك ابوالطيب |
عند باب الصحية شفت ابوخد بلور== أهيف القد ذي سوا ذهب في ذراعه
يطلب الطب وأحسن طب عنده ودكتور== عنده الطب ذي فيه الشفاء والنفاعه لمس يده ونظراته شفاء كل مضرور== كان يشفي مريض القلب في نصف ساعة من لقاه استراح البال والقلب مسرور== ليق[15] الطول محلى قامته وارتفاعه حير الناس من شوفه وله لبس مشهور== شل جملة قلوب الناس داخل قناعه والمحلات منه والطريق امتلت نور== طلعته مثل بدر الليل ما جمل شعاعه ابدعت يالقلم الحر مقتطفات رائعة لشاعرنا الكبير عبدالله على لحول امير الولة.: ارجو متابعة موضوع القاء بالشاعر بن لحول فرصة لاتعوض ان يكون من ضيوف المنتدى |
أسعدني الله يشوفه وشوفه اكبر تجاره== ذي فن البداوة وأكثر فنون الحضارة
ومبسم لوتكلم للحيد[11] لانت حجارة== ولو يراجع لعاشق مسجون فكوا حصاره ماكان بعصيك في أمرك شمسان أوحيد زاره== لأعصاك قده[12] بسيفك إسبال عينك شفا ره ولو تشوفه محاكم ست في بلدها سفارة== في عاصمة كل دولة بايؤخذ اكبر عماره tnnnsk على الطرح القلم الحر لكن نباء لو تكرمت اسم الشاعر كامل (بن لحول) |
صح لسان الشاعر
وسلمت يمناك يا القلم الحر على طرح هذه القصيده الرائعه ونتمى ان تستضيفو الشاعر الكبير عبدالله الاحول في المنتدى |
| جميع الأوقات بتوقيت GMT +4. الساعة الآن 04:09 PM. |
المواضيع المطروحة تعبر عن رأي كاتبها ولاتعبر بالضرورة عن رأي إدارة منتديات المصعبين
Powered by vBulletin Version 3.7.4
Copyright ©2000 - 2009, Jelsoft Enterprises Ltd
جميع الحقوق محفوظة @ موقع المصعبين