منتديات المصعبين - تدري اني من تركتك صارلي بنت وولد

صـدفـه جتـنـي طالعتـنـي مــن بـعـيـد الـيــابـعـيـد
مــن كـثـر مـاهـي تطـالـع قـمـت اطالعـهـا واصـــد

مـاوعـيــت الا بـرهـبــه كــــن نـبـضـاتـي تــزيــد
كـنـت اطالـعـهـا وخـايــف كـنــت اقـــرب وابـتـعـد

قـمــت افـكــر واتـذكــر قـمــت اردد قـمــت اعـيــد
زاد خـوفـي ..وارتبـاكـي خـوفــي لا يـــدري احـــد

الا هـي .. قامـت تنـادي انـت فيصـل ؟؟ قلـت اكيـد
وانـتـي منـهـو جـاوبـت مــن دار ابوفيـصـل فـهــد

طـالـع بعيـنـي وشــوف فــي عيـونـي شــي فـريـد
ويــن حـبـك ..ويــن وعـــدك... ان حـبــي لـلابــد

ياخـسـاره ايش صـايـر لـيـه كــذا صـايــر بـلـيـد
ويــــن يــاحــب الـسـوالــف والـمـحـبـه والـعـهــد

لحظـه .. لحظـه اسمعينـي مـواخـوك اسـمـه ولـيـد
لا . ياحـظـي لا ياقلـبـي انــا اخــوي اسـمـه سـعــد

قمـت اخربـط فـي كـلامـي صــار فــي قلـبـي وقـيـد
قمت اعدد انتي ساره ..والا نوره.. والا ريم اوشهد

ياخـسـاره كـنـت اظــن اسـمــي مـــدون بـالـوريـد
ماحسـبـت احـسـاس قـلـبـك يسـكـنـه هـــذاالـعــدد

ليـه تخدعـنـي؟ بحـبـك وانــت لــي كـنـت الوحـيـد
كـنــت اسـافــر فـــي عـيـونـك مايرافـقـنـي احــــد

كـــان يعجـبـنـي عـنــادك كـنــت اسـمـيـك العـنـيـد
كـنـت احـــب اروع صـفـاتـك يـــوم تعلـنـهـا ابـــد

كـنـت تـاخـذ مــن فــؤادي كـنـت اجيـلـك بالـمـزيـد
كـنــت تسبـقـنـي لقـلـبـي يـــوم تـصــرخ يـاوعــد

كـنـت اصــارع فـيـك حـبـي وانــت حـبـك مايحـيـد
كنـت اشـوف الـكـون كـلـه فــي عيـونـك لــي بـلـد

كـنـت تـاخـذ مــن شـعـوري كــلما تبـغـى وتـريــد
كـنـت مــدري تحتويـنـي كـنـت اظـنـك لــي سـنــد

كنـت غيـر النـاس عنـدي كنـت لـي شـيـخ وسـيـد
اذكـرانـي كنـت اسولـف فــي غيـابـك حــق سـعـد

واشتكـي مـن طــول بـعـدك وانــت فيـنـي موبعـيـد
ليـتـنـي مـاقـلـت احــبــك لــيــت قـلـبــي مـا نـولــد

ياكـثـر ماكـنـت احـبـك شوفـتـك لـــي يـــوم عـيــد
يـاكـثـر مـاصــرت اكـــره نـبــض قـلـبــي لــلابــد

اسمعينـي .. لوسمحتـي واسمـعـي الــراي السـديـد
مــن ثـمـان سنـيـن كـنـتـي فـــي حـيـاتـي يـاوعــد

واذكرانـي كنــت احبـك واذكــر انــي كـنـت اشـيـد
فــي مـحـبـه مـاذكــر انـــه عـاشـهـا مـثـلـي احـــد

ماختلفـنـا !! بــس عــودي لازمــن امــس البعـيـد
فيـه كـان النـاس تخشـى فـي العـشـق جــزر ومــد

كنـت اشوفـك فـي خيالـي فــي حـروفـي والقصـيـد
رغــم بـعـدك عــن عيـونـي وبينـنـا حـاجـز وســد

رغـم بـعـدك وابتـعـادك كـنـت احــس انــي سعـيـد
كنـت اراضـي فيـك قلبـي كنـت اخـف عـنـه واشــد

كــــن حــبــي والـمـشـاعـر والامــانــي كـالـعـبـيـد
نـرتـمـي بـحـضـان قـلـبـك لـيــن مـــاذاب الـوعــد

ياوعـد الوقـت عـدى وصــرت انــا وانـتـي نعـيـد
عـهـد مــدري كـيـف عــدى المـهـم نـفـس العـهـد

تذكري وش كنـت اسـوي لانتهـى عنـدي الرصيـد
كـنـت اشــوف اللـيـل مظـلـم وارجــع لعيـنـك وارد

ارتمـي فـي حضـن همسـك وابتـدي لـك مـن جديـد
مـن كثـر ماكنـت اسولـف كنـت احــس انــي اســد

يـاوعــد.. شـكـلـك تـغـيـر بـعــد هالـعـمـرالـمـديـد
تـدري انـي مــن تركـتـك صــار لــي بـنـت وولــد