المرجله ماهي لبس شماغ وعقال
المرجله ماهي لبس شماغ وعقال احيانا يكون رنين لبعض الكلمات لاينسى فهذه قصيدة اعجبتني ونقلتها لكم إذا المراجل لبسة شماغ وعقال قل للعذارى يلبسنّ العمايم ما عاد يفرق زول حرمه ورجال دام الفعايل تشبه البعض دايم المرجله ما هيب كلمه وتنقال وتروح ما راحت هبوب النسايم وإلا خشونة صوت أو رفع الأثقال أو رزة صدور وفعل الزلايم ولا هي بعد مفتاح موتر وجوال وإلا ردى لسانن حديثه شتايم المرجله شيمه عن القيل والقال رفيع نفس (ن ) حر بالجو حايم المرجله عقلٍ وزن وزنه جبال ودون العقل وش فرقنا والبهايم يا مسندي لو مايل الوقت بي مال يا ولد أبويه يا عظيم العزايم يا معرب الجدين من العم والخال يا نخوة المفزوع وقت الهزايم المرجله يا خوي هي طولة البال هي العزم هي الصبر فالظلايم فيها الكرم عزه دله وفنجال فيها الكرامه عن ردى الطبع شايم والدين لامنه خذا القلب منزال مشى طريق الحق وابليس نايم ومن لا عرف ربه في طيب الحال لابد وقت الضيق بالهم هايم حتى صلاتك مع جماعات ورجال في خيرها يا خوي نعم الغنايم ولامن نصف ليلك قم صفي البال يا عظم أجرك بين ساجد وقايم ولا من رفع ربي له كل الأعمال حسن الذكر لا قالو فلان صايم وخلك شريف القصد يا طيب الفال سوء المقاصد فالبيوت الهدايم واحذر تبيع النفس في دب الأنذال وتتبع خوي إبليس راع النمايم النفس خيل لك إذا كنت خيّال ومن لا قوى نفسه قوته الهزايم ولا صرت ما تدري لو يش أنت رجال والله خسارة فيك ذبح التمايم |
المرجله ما هيب كلمه وتنقال
وتروح ما راحت هبوب النسايم وإلا خشونة صوت أو رفع الأثقال أو رزة صدور وفعل الزلايم صح لسان الشاعر وتسلم ايادي الناقله |
حتى صلاتك مع جماعات ورجال في خيرها يا خوي نعم الغنايم تسلمين أختي مهرة ألجنوب على الطرح وصــــــــــــــــح لســــــــــــــان الشـــــــــاعر |
يسلملي قلبك برووووق منوره صفحتي
|
نورت صفحتي عزيز المراجل
ماننحرم من طلتك |
المرجله شيمه عن القيل والقال رفيع نفس (ن ) حر بالجو حايم المرجله عقلٍ وزن وزنه جبال ودون العقل وش فرقنا والبهايم مهرة الجنوب سلمتي على نقل هذه الرائعة وفعلا المرجلة لها قول وفعل وليس ديكورات فضفاضة بيض الله وجهك ويعطيك العافية |
صح لسان الشاعر
ومشكوره اختي على النقل |
صــح السان الشاعر ويسلم ناقلــها ..
لاهــنت يالغلا ع الطرح ..لك ودي |
مشكورة اختي ويعطيك العافية
|
ياهلا ومرحباا سلمت قلوبكم يالغالين
بن نعير سامي العريفي فتى آل فرج الدهولي ابو ظبي ماننحرم منكم ياارب |
جميع الأوقات بتوقيت GMT +4. الساعة الآن 04:35 AM. |
المواضيع المطروحة تعبر عن رأي كاتبها ولاتعبر بالضرورة عن رأي إدارة منتديات المصعبين
Powered by vBulletin Version 3.7.4
Copyright ©2000 - 2009, Jelsoft Enterprises Ltd
جميع الحقوق محفوظة @ موقع المصعبين