|
قصيده حزينه
اقرءوا معي ما كتبه هذا الشاب المتهور الذي تعرض إلى حادث وكانت معه أمه فتوفيت وبقي هو على قيد الحياه وكتب هذة القصيدة: يواسيني وانا الميت وحالي يجبر الدمعات تسيل من الذي فيني ويبكي وهو يواسيني وانا ابكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني وكنه حلم قدامي يقيدني من الصرخات ابي اصحى ولكني عجزت القى ال يصحيني فداك القلب يايمه ومهما قلت من كلمات صغيره في كبر حقك بس اتمنى تعذريني نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي اباكيه ويباكيني عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات انا مقوى ابكيك اذا انتي تبكيني أسال الله أن يغفر لها ولجميع موتى المسلمين وهنياً لمن كانت امه على قيد الحياة ليخدمها ويفديها بروحه ورسالة صغيرة إلى كل عاق لوالديه أن يراجع حساباته ويعود لهما ويبرهما فطاعة الوالدين مقرونة بطاعة الله ... ورضا الله من رضاهما |
بسم الله الرحمن الرحيم فديتهن الامهات وربي انهن سراج البيوت والارض عظم الله اجر كل من فقد امه حبيبته وصح الله لسان الشاعر والناقل كان ودي اعلق ع القصيده بكذى بيت بس للاسف وجدت الصمت امام روعه الابيات هذي اسلم من الخوض في التعليق الشعري مشكورة ملاك الارض |
ملاك الارض يعطيك الف عافيه الجنه وماادراك ماالجنه الجنه تحت اقدام الامهات الله يخليهن لنا
|
|
اصعب لحظه ولكن ماذا يفيد الندم بعد ذلك
شاكر لك الابيات الرائعه |
[quote=شاهين المصعبين;201423]
بسم الله الرحمن الرحيم فديتهن الامهات وربي انهن سراج البيوت والارض عظم الله اجر كل من فقد امه حبيبته وصح الله لسان الشاعر والناقل كان ودي اعلق ع القصيده بكذى بيت بس للاسف وجدت الصمت امام روعه الابيات هذي اسلم من الخوض في التعليق الشعري مشكورة ملاك الارض كلام جميل |
</B></I> |
| جميع الأوقات بتوقيت GMT +4. الساعة الآن 11:46 PM. |
المواضيع المطروحة تعبر عن رأي كاتبها ولاتعبر بالضرورة عن رأي إدارة منتديات المصعبين
Powered by vBulletin Version 3.7.4
Copyright ©2000 - 2009, Jelsoft Enterprises Ltd
جميع الحقوق محفوظة @ موقع المصعبين