منتديات المصعبين - قصيده بين شاب وشابه قويه مره

محاورة شعريه بين شاب وشابه ..؟؟؟

السلام عليكم ورحمة الله وبركاته:

يسعدني أن انقل لكم ماحصل لي في أحد مواقع الدردشه ..

وهي محاورة شعريه مع شابه تدعى بأسم (عنيـــــــــدة) وقد اثبتت انها شاعرة من

الطراز الأول فكانت عنيدة بشكل واضح .. ربما تميّزت علي في هذه المحاورة .

سوف أكتب لكم ما دار بيننا .. ولكم التصويت..

انا من بدأ المحاورة الشعريه بهذه الأبيات :

تنام الليل وأنا على ذكراك واعـــــــــــــي
وعيوني ذابلات من السهر وباقي العمر ضاع

أنا اللي كنت لرضاك دوم ساعــــــــــــــي
واليوم ترد لي الخيانة (100) صــــــــــــــاع

الــــــــرد :
مل الخفوق يرجي عطاياك ومليت انا مادٍ ذراعي
وملٍ هالليالي من نسج الونين ورسم الأوجــــاع

كنت أحسبك ليّن القلب وللهوى مطواعــــــــــي
أثرك قاسي وظالم وغريب الأطبــــــــــــــــــاع

مشاري البدران :
ليش تنتظر كل هالوقت وش الداعـــــي
ناوي تنزل راسي بواطي القـــــــــاع

لا واللي خلقك ماتقدر لو الكل ساعــي
اليو واقف لك انا ياغريب الاطبـــــــاع

الــــــــرد:
والله لو تشعل النار ويصبح القلب ولاعي
ماتفرح بمذلتي وهـــــــلّ الأدمـــــــــــاع

راسي ماينزل ولو خافقي حن وله طاعي
بيدي اقص نبت حبي واقول للخلق ضاع

مشاري البدران :
لك علي يمين لخلي ونينك على كل الأسماعي
وأقول هذا جزا من يخون زين الأطبــــــــــــاع

كرهتك من بعد حبك وتغيّرت أوضاعــــــــــي
ولاتدّعين البرائه ترى خبر الخيانه اليوم شاع

الــــــــــرد :
ما أهاب أنا اللي أخفى النار بأضلاعي
الا أشبها عليّ وعلى عداي والأضلاع

ولا تظن بسواتك يالنذل تلـــــــوي ذراعــــــــــي
ما أفل في بحر الغدر شراعي برد لك الصاع صاع

ولا اشبع قلبي الحب عقـــــــــبك لو جـــــــــــــاع
بآطاه هالقلب ولو دعاه للـــــــــحب داعـــــــــي

مشاري البدران :
أنا على اللي مثلك ترى مايسيل لعابــــــي
أشويك على هوني ماني مستعجل ولا طمّاع

لوتجمع كل طوايفك ماتحرك لي ذراعـــــي
والذيب مايهتويه أكل لحم الأضبـــــــــــــاع

ولو انك بنت شيوخ أسوي منك راعــــــي
واللي تلعب بالنار تستاهل حرق الأصبـــاع

الـــــــرد :
كذبه وأنا صدقتها يوم نبض العشق واعــي
واليوم مات عشقي ماغير أنا والهم بصراع

كلٍ زهد بك وأنا والقلب حتى أطماعـــــي
كلٍ كره درب الهوى يومه معك ضـــــــــاع

كاسٍ شربته في هواك مُر ولواعــــــــــي
وليلٍ سهرته مفني قاسي وصــــــــــرّاع

حلفٍ حلفته ان رجعت أقصها ذراعـــــــي
توبه صرخ بها قلب ساقي وملتــــــــــاع

مشاري البدران :
لاعت الكبد من حبك والقلب من سواياك لاعي
مردك ترجع ترتجي قلبٍ انت له بيّــــــــــاع

وبتقص ذراعك من الكتف نادم على يوم وداعي
رح ياشقى عمري ابعد لقيت لك مطـــــــلاع

بس ياعنيده ترى ماللزعل بيننا داعـــــــــــي
هالحكي ينقال في لحظة وينّسى بســـــاع

ان بغيتي الجد أنا الشمس وأنتي شعاعي
ووجهك من طيبك وطيب اصلك اليوم لمّــاع

الـــــــرد :
أصبح الصبح والقصيد مبتلي ذراعي
حرفٍ أحطه وحرفٍ ألمه بالأضـــــلاع

حرفٍ يجر الهم وينثر أوجاعــــــــي
وحرفٍ يداوي سم شربته بالجسم شاع

وحرفٍ يسولف للشقى قصة ضياعي
وهمٍ أشيله وقلبي للعنى جــــــرّاع

وسلامتكــــــــــــــــــم
وأنتهت المحاورة بكل محبة وصداقه دون أي خلاف وزعل
تقبلو تحياتي .