كل اسبوع شاعر
الفكرة /
كل اسبوع ,,بنطرح اسم شاعر من الشعراء ونبدا نتكلم عن حياته وعن مسيريته الشعريه وممكن للأعضــاء انهم يعبروا عن ارائهم بالشاعر ويزودنا بقصايد له !!! نبدى بالشاعر °l||l°ضيدان بن قضعان°l||l° ضيدان بن قضعان متميّز شاعر فرض وجوده على الساحه الأدبيه والشعريه وأشغل الجميع بمتابعة قصائده وأخباره فى حلّه وترحاله شاعر السهل الممتنع وأحد عمالقة الساحه الشعريه فرض نفسه بشعره وأسلوبه ولقاءاته المتميزه بالطرافه كوّن مدرسه بإسمه (المدرسه القضعانيه) وتبعه الكثير من الشعراء. .وشهد له شاعر المملكه العربيه السعوديه الشاعر الكبير( خلف بن هذال )حين سئل عنه فإمتدحه قائلا: هيّضتنى يا مصوّغ الغيـد ضيـدان شعر النبـط متربـعٍ فـى فحولـه يا زين شى(ن) تكتبه يا ابن قضعان تقـول شـىٍ صفّتـك مـا تقولـه أشتهر بقصائد الفخر والاعتزاز بالنفس حتى لقّب بالمتنبى, وهو الذى قال يفخر بقبيلته : إنى لمن قوم(ن) يعز عليهم قتل الرعاة ودمعة الحسنائى وقال أيضا : وأنا من اللى مجدهم على ظهور المسرجات قوم(ن) مهيب تشد لا جاها من القوم النذير س- البطاقة الشخصية؟ ضيدان بن منصور بن ملهي بن قضعان ال عرجا العجمي والبزران واجد والنسوان واجد من الشواوله قطعه ومن ال عرجا قطعه الحالة الاجتماعية : متزوج الوظيفه : موظف في وزارة الداخلية بالمنطقة الشرقية |
صفحات الشقا
يـلـي عـلـى وجـهـي قريـتـي كــل صفـحـات الشـقـى اقـري وأنـا باكتـب قصيـدة واشعـل الساحـة حريـق باقـي كثـر مـا راح والـلـي راح نـصـف الـلـي بـقـى وان ماوصلـت لغايتـي بامـوت فـي نصـف الطـريـق يابـنـت يــوم امـطـر غــلاك بقـلـب ضـيـدان وسـقـى تدريـن وش سبـة شقـاه وسـبـة الـجـرح العمـيـق ؟ شقـاه مـن يمنـاه واســم الشـيـخ والنـفـس امحـقـى والجـرح منـك ياأعـذب العـذبـات يالـمـوت الرقـيـق يـا بنـت مــا دام الـبـدو تخـلـف هـقـاوي مــن هـقـى وانـا بـدوي منـي يشيـل مــن الـزمـن مــا لا يطـيـق ابفتـخـر حـنــا بـــدو نـعـشـق عـلــى وضـــح الـنـقـا حـنــا بـــدو فـيـنـا الـولــد للـقـمـة العـلـيـا عـشـيــق حـنـا بــدو فيـنـا الـولـد لــو شــاف مـوتــه مـاأتـقـى حـنـا بــدو فيـنـا الـولــد يـرقــا ولـــو مـالــه رفـيــق حـنــا بـــدو فـيـنـا الـولــد لا مـــن رقـــا رقـــا رقـــا الـيـن يـوصـل غايـتـه لــو كــان فــي قـمـة طـويــق يابـنـت جيـتـك والـثـمـن عـمــري ابـــي لـيـلـةٍ لـقــا يـمـا كــذا والا بـــلاش مـــن الـصـداقـة والـصـديـق وساعـة تبسمتـي وشـفـت الجـمـر والثـلـج اصـدقـا قلت أشهد أن الموت حق وصحت لك صيحة غريق واعتقـت دمعـي والزعـل والحـزن لـرضـاك أعتـقـا وأغفـت عيونـي فـي عيـونـك ياعسـاهـا مــا تفـيـق وامـنـت بالـلـي سـخـرك تـقـريـن صـفـحـات الـشـقـا واشعلـت بـردي فـي دفـاك وشبـت الساحـة حـريـق |
نجوم الصبح
بانت نجوم الصبح واللي فـي عيونـي مـن عَصـر مــا هــوب دمــعٍ لا تضـايـقـت آتـنـهّـتْ واسـكـبـه لا والله الا حلـم شـيـخٍ عــن طمـوحـه مــا قِـصَـر لــو قـصّـرت ســود الليـالـي مــن يميـنـه وشْنـبـه وانــا لــو انــي مــا تعلّـمـت الهـزيـمـه والـنـصـر مـا كـان ذقـت مـن الهـوى القتّـال مــرّه واعـذبـه شاعر وعصري فاتني واعيش في أغرب عصـر لا الوقـت وقتـي والزمـن مـا بيـنـي وبيـنـه شـبـه لـكـن هـنـوفٍ مثّـلـتْ دور الـعـزيـزه فـــي مـصــر قـدّتْ قميصـي واسرفـت فـي وصلهـا قـبـل انتـبـه يـوم انْتبَهْـتْ استشهـدت ضـدّي بـحـرّاس وقـصـر قـلـت ارحـمـي عـزيـز قــومٍ ذل وارخـــى منـكـبـه مانـي نبـي الله اقـاوم حسـن خـصـرك لا انهـصـر انــا بـشــر عـبــدٍ ضـعـيـف وكـــل بـــرقٍ يـجـذبـه قـالـت وهــي تُــوّي تثـنّـى كــنْ مــا فيـهـا خـصـر الشـعـر يــا ضـيـدان ورث جــدود ولاّ موهـبـه ؟! قلـت الشعـر سحـرٍ يسخّـر لـي القلـوب ويختصـر عـمـر المسـافـات الطويـلـه والسنـيـن المـجـدبـه والحب شيٍ لو حصرته في ضلوعـي مـا انحصـر يطغـي علـى حـدْب المحانـي ليـن ابيـحـه واكتـبـه وان علّمتنـي الفاتنـه وشلـون اسيـر ابــلا بـصـر علّمْـتَـهـا الفـنـجـال وشـلــون اتـحــدّى واشـربــه وعلّمْتَـهـا إنّـــي كـــذا طـــال الـزمــن ولاّ قـصــر وان اعذب الحب اصدقه وان اعذب الشعر اكذبه |
أخوي وضاح..
فكره ممتازه ولا أروع.. وكمان ضيدان شاعري المفضل.. لكن ماودي والله أحطمك بس منتدى الشعر شبه ميت مافيه تفاعل .. تحياتي لك الله يوفقك,, |
فكرة رائعة اخوي وضاح
ومشكور عليها وإن شاء الله تلاقي تفاعل من قبل الاعضاء وهوات الشعر بارك الله فيك وتقبل خالص الشكر والتقدير على افكارك الطيبة |
أشكركم جزيل الشكر على مروركم الذي اسعدني كثيراً
|
على لسان ضيدان:
شريت لي طير وسألت صاحبه عن إسمه فقال اسمه دهام قمت انا وغيرت اسم الطير إلى فواز لغرض شخصي عندي وعندما أردت ان أعشي الطير في يوم من الايام ناديت له بأسمه الجديد فواز فواز .... فالتفت الطير عني واستوحيت انه يقول ضيدان أنا أسمي دهام ما هوب فواز أمــا أدعـنـي يــا دهـــام ولا بـلاشــي ما هوب حق تغير أسمـي بـلا أرمـاز وأنـا عـذاب الخـرب لا أقبلـت حاشـي عاد انا رديت وقلت لعيون بعض الناس سميت فواز أسم يشابه لاسم صعب المناشي اللـي غـلاه بثومـة القلـب حـزاز تقبل له ظعوني وتقفـي عطاشـي رد الطير وقال ما أرضى تسميني عليها ولا جاز تغييـر الإسـم إلا بـذبـح الكبـاشـي إذبـح تميمـه وأقلـب الإسـم فـواز إذا ذبحت الكبش ما صـار ماشـي رديت وقلت قلت فـواز تكفـى فكنـي بالتلعـواز الحل عندي وأسمع العلـم كاشـي لازم تشوف اللي لها القلب ينحاز عقب (ن) تجي فواز ولا شلاشـي رد الطير وقال يالله مشيـنـا والعـمـر يـبـغـي إنـجــاز يــا مــا نـجـز بالـهـدي ولا عـراشــي قــم جـهـز الـلـي ذاخريـنـه ومـمـتـاز وعلي الطلاق إن عزبته من معاشي ويوم اني وصلت الي انا سميت الطير عليها شلت عنه البرق وقلت هذا سبب تسميتي لك بفواز فرد علي وقال أنـا أشهـد إنـي يابـن قضعـان فــواز وانــي بـعـد فــواز جـانــي خـراشــي يـاحـظ قلـبـك يــوم فــي حـبـهـا فـــاز كحـيـلـة مـــا عـاشــرة كـــل لاشـــي ياليتـنـي رجــلٍ لــو أمـشـي بمعـكـاز وأنخـاك وأنخـى مبعـديـن المعـاشـي وأنهض لطيف الروح وأجلا لشيراز وأقضي بقايا العمر ما أحتـر جاشـي في شرع أبـن حنبـل بتأكيـد ابـن بـاز معروف راعي الحب قلبـه هشاشـي وأنـا لـوصـل مـلـوع الشـيـخ معـتـاز أعوز من فـراق السبـوق الرواشـي أبـــا أتـمـنـى والتـمـنـي بـــه الـغــاز يـالـيـت جنـحـانـي لـخـلــك فــراشــي أو ليتنـي بيجـر علـى الـورك هــزاز ولا قـلـم بـيــن الـجـسـد والقـمـاشـي |
|
شكرآ اخوي وضاح على المشاركه القويه هاذه ومنتضرين منك الجديد وتقبل مروري اخوك اهل حبان tnnnsk
|
|
جميع الأوقات بتوقيت GMT +4. الساعة الآن 08:15 PM. |
المواضيع المطروحة تعبر عن رأي كاتبها ولاتعبر بالضرورة عن رأي إدارة منتديات المصعبين
Powered by vBulletin Version 3.7.4
Copyright ©2000 - 2009, Jelsoft Enterprises Ltd
جميع الحقوق محفوظة @ موقع المصعبين