منتديات المصعبين - ايام الطفوله وايامها الحلوه

ياليت إن الزمن يرجع ورى ولا الليالي تدور
ويرجع وقتنا الأول وننعم في بساطتنا

زمان أول أحس انه زمانًًًًٍٍ فيه صدق شعور
نحب ونخلص النية.. وتجمعنا محبتنا

زمن ما فيه لا غيبه.. ولا حتى نفاق وزور
ياليته بس لو يرجع ونسترجع طفولتنا

صغار قلوبنا بيضاء..نعيش بعالمٍ محصور
ولا نعرف ابد إغراب ما غير عيال حارتنا

صحيح صغار فالتفكير لكن ماعلينا قصور
نخطط نكسر أللعبه.. وتسعدنا شقاوتنا

نروح المدرسة بدري ..ونضحك داخل الطابور
نحاول نزعج العالم بروحتنا وجيتنا

وعشان ناخر الحصة.. نخبي علبة الطبشور
نشاغب بس فالآخر.. تميزنا براءتنا

نحب الضحك والهيصة.. نحب أنط فوق السور
نفرفش.. ليه مانفرفش دام الضحك عادتنا

ولكن دارت الأيام.. وبان الخافي المستور
وصار الهم متعلي على قمة سعادتنا

كبرنا وصارت الدنيا تصًف أحزاننا بالدور
وتهدينا الألم والهم غصب عن عين رغبتنا

تعبنا من بلاوينا ..أحد ضايق وحد مقهور
وكلٍ غارق بهمه.. وفالآخر تشتتنا

وانأ ما أقول غير إلا وحلالاه الزمان يدور
ويرجع للورى فتره.. نعّدل وضع عيشتنا

تحياتي لكم