رد روحي ياحبيبي دخيلك = رد قلبي يا وليفي محلّه
واشفق بحالي وداوي جروحي = لا تزيد الصب بالبين عله
شوفتك غاية منايه وغيرك = لو نظرته حلت العين قتله
شوفهم يازين سبب جنوني = والهواء قتل المحبين حلّه
سنة الله في عباده حبيبي = كل واحد مات في حب خله
وانت لجلك روح ناصر هديه = ياهواء ناصر وشربه واكله
اصبحت سيد الغيد ملك العذارى = والحلى مرسوم في الوجه كله
يلقمر يرسل على الكون نوره = يا ذهب ماظن تشريه عمله
في حبكم يازين ناصرمولع = مثلما عنتر تولع في عبله
وانت حبك فاق عن حب ليلى = حب مايوجد ولا ظن مثله
في ربوع الارض حبك فتني = يوم يفتن رمشك الناس كحله
والقلب بك مغرم ويفرح بشوفك = مثلما المجنون ان جاه عقله
ياعذابي كيف يرسم عذابي = رمش رسل لي على قلب نبله
يوم شفت الزين طيفه بحلمي = جن عقلي غير ماقد حصل له
كان به رحمه خلائق يرده = قلب له مدّه من الصدر شله
عايش على ذكراه طوال الليالي = نبض من الانفاس بالشم نقله
مشكله بعده وقلبي اسيره = كيف لي باعيش واحياء من اجله
والامل في القلب بالصبر يحيا = ( مثل ورد احياه ماء بعد ذبله )
صمت حالي في غياهب ظلامي = يكشف الواقع على غير شكله
لكن اني في غرامه متيم = لحن عاشق ماعُزف لحن قبله
يعزف اشعاري على نبض قلبي = مثلما خالد على العود فلّه