![]() |
{[[ مجلس سمر ]]}
السلام عليكم ورحمة الله وبركاته
مجلس سمر مختلف عن ماجرت عليه العادة في المنتديات لماذا مختلف؟ لأننا مختلفون : ) :: :: الفكرة ومافيها هو ان يكون هذا المجلس شامل ومتنوع لجميع الاطروحات وبشتى الأساليب التي لانريد لها ان تكون تقليديه فقد مللنا التقليد .. معي انتوا صح !! على فكره الشريفي يتحمل نتائج المجلس لأنه من راسلني بخصوصه : ) :: :: سيكون كل ليله هناك عريف للمجلس وهو الذي يديره بطريقته ويعلن فتح ابوابه طبعا قلنا مجلس سمر يعني لاااشوف واحد يجي يفتح الساعه 8 الصباح ولا اربع العصر فأبواب المجلس تفتح من الساعه العاشرة ليلا وتغلق في الساعه الثالثه بعد منتصف الليل وتمسوا على خير بعدها :: :: على عريف المجلس ان يراسل الاغلبيه وان يدعوهم بطريقته وان يطرح عليهم الاسئلة وحبذا ياحبذا ان يحاورهم ايضا وأن يطلب من اي شخص سالفه او قصيده المهم ان يكون دينمو متحرك ويجعل من هذا المجلس مجلس أنس وراحة بال وتثقيف أيضا :: :: في نهاية كل ليلة يقوم عريف المجلس بإختيار عريف للمجلس لليوم الثاني وهكذا :: :: يالربع اتضحت الفكره ؟؟؟ هاأنتظروني بعد قليل لأعلن فتح ابواب المجلسa1: |
مساكم الخير
و مساءكم الخير و مسّاكم الخير نعلن بداية المجلس ياجماعه على طاري نعلن بداية الشريفي راسلني بخصوص الموضوع ذا وقال افتح هالموضوع وخل منك اعلان بدايات الخصام طبعا بدايات الخصام موضوع قمت بفتحه للمحاوره وكنت اتمنى تفاعل فيه اكثر ولكن سرني تواجد نخبة من الشعراء المتمكنين فعلا عموما قلنا نفتح الموضوع ذا في القسم هذا صحيح القسم قسم فرفشة وأغلب مواضيعه هع ونط وهههههه لذلك نبي شوية ركاده : ) واعتذر للأخوات الأعضاء هنا ولكن دائما مايلفت نظري في أغلب المنتديات ان النساء هم الأكثر حبا للفرفشفه ولا أدري لماذا حقيقة انني اجهل الكثير ولاأعرف احد نهائيا لذلك اتمنى من مَن يروق له الموضوع الدخول والتعريف بنفسه او طرح اي موضوع للنقاش إذا احب واذا كان رايق مره فياليت سالفة وقصيده ويبشر بمن يتكي على يمينه |
ابوصالح منتظرين البداية تكون من عندك
وإن شاء الله بايكون خيراً لاكن الوقت لايحدد البعض مرتبط باعمال ابوالطيب |
ارحبت يابو الطيب
وحياك كأول المتجاوبين الوقت ياخوي قلت يتم تحديده عشان يبقى للموضوع هذا خصوصيته وفي نفس الوقت مايلهينا عن المواضيع الاخرى ابو الطيب يالغالي المنتديات لها ايجابياتها الكثيره ولعل من اهمها التثقيف والتعريف فكيف بها اذا كانت لأبناء قبيلة واحدة مع العلم أنني شخصيا لاأرى في الاسم مايجعل من المنتدى حكرا علينا فقط ابناء المصعبين بل بالعكس أرحب شخصيا بكل قلم راقي وعقل نظيف من أي مكان بالدنيا حسنا ابو الطيب هناك شيء في المنتديات اسمه الشلليات والاحزاب وهي دمار المنتديات طبعا برأيك كيف نحاربها؟ :: :: ومازال المجلس مفتوحا لاستقبال تبرعاتكم على طاري التبرعات يجمعون في كل الدول العربية تبرعات ويسلموها للسلطه الفلسطينيه أما هذي هع بجد a1: كلنا يعلم ان الشعب المسكين لن يناله منها الكثير |
فكره جميله جدآآ وجيده ....
وننتظر البدايه من عندكم لانك راعي الفكره انت والشريفي .... ننتظركم...a1: |
tnnnsk ابو صالح وانا معاكم فكررررررررررررة طيبة وخاصة تحديد الوقت مهم
وطال السمر طال يابو العيون الكحيلة !!!!!!!!!!!!!!! |
كان بودي ان يكون النقاش في واقعناء ونبعد قليلاً عن السياسة
المشكلة الان ان لحنا صرناء مستهدفين من قبل اعدئناء ونحن نعينهم على انفسناء فمثلا. الملتزم بدينه اطلقوا عليه شتاء المسميات متشدد اصولى متزمت والكثير الكثير من ذلك امامن ناحيت الشلليات والاحزاب والله مامنها خير جابت التعصبات والتنافر والفرقه حتى في البيت الواحد مثل تشجيع الانديه متزاعلين الاسره كل واحد يشجع نادي ويالله عليك الخراج إن شاء الله اني وفقت ولاء رايكم تحياتي ابوالطيب |
أرحبتوا نياف والفاطمي
والمتصفح اللي شفته مسنتر عند الصفحه اخوي ابوالطيب بالنسبة للبدايه وكيف تكون فلاعليك ياعزيزي هو مجلس سمر مصعبي بالدرجه الأولى وعاد مايحتاج راح تلاقي فيه من كل انواع الحديث وتلقى واحد في زاوية المجلس يتحدث عن اسعار البترول وواحد هناك يتحدث عن زيارته الأخيره لمكه ويالله انا في رشادك وبما انه مجلس مصعبي لحظه وراجع لكم : ) |
هلا والله يابو صالح وينك من أول
على العموم أنا بصراحه معجب جدا بالفكره وراح اكون حريص قد ما أقدر على المتابعه ننتظر المشاركه الجايه |
اوبو صالح لا هنت على الفكره انا والله مومن بقداستك الفعاله في المنتدى
ياليت يتم تثبيت الموضوع وياليت بعد تسموه بعد اذن راعيه ( ديوانية المصعبين ) وهاه يا مشرفين هنا ديوانيه الكل يتكلم على مزاجه وحريته ياليت تخففون من الخفارات على ردود الاعضاء شوي تحياتي |
جميع الأوقات بتوقيت GMT +4. الساعة الآن 12:44 PM. |
المواضيع المطروحة تعبر عن رأي كاتبها ولاتعبر بالضرورة عن رأي إدارة منتديات المصعبين
Powered by vBulletin Version 3.7.4
Copyright ©2000 - 2009, Jelsoft Enterprises Ltd
جميع الحقوق محفوظة @ موقع المصعبين