شفتها ياااا حـــــمـــد .......؟ الرجاء التصويت
قصيده اتمنى ان تنال اعجابكم.. اترككم مع القصيده شفتها يا حمـــد صدفه بعد ما غابت سنين *** عند قسم الصـور وسط الســوق ماشيـه جيتها ثم قلت ممكن في سؤالي تسمحين *** ناظـرت فينـي بدهشه نظره متواضعـه قالت انته تـحسبني من بنات الصايعين *** تـحسبني في زماني عن طريقي ضايعـه قلت انا ماراح اطـول ***وها كلمتين *** وابعـدت عني شويه ثم جتنـي راجعـه قالت اسال واضح انك من رجال طيبين *** بس هرجك يالسنـافي كان وشهو دافعـه قلت انا حبيت وحده يـوم كنا صغيرين *** ومن ثمان سنيـن راحت للمواصل قاطعـه عقبهـا ماذقـت نـوم يهتنيـه النايمين *** ساهر في طول ليلي لين شـمسي طالعـه اذكر انه فيه حبه فـوق ثغـره من يمين *** واذكر انه لاجـرينا كـن شعـره تابعـه واذكر انـه عاشـق الورد والياسمين *** وصار قلبي بالـورود اللي عشقهـا زارعـه طابعا اسمه بقلبي فيه (حـاء) وفيه (عين) *** وفيه (سهمٍ) وسط قلبي طابعه قاطعتنـي بقولها سبحـان رب العالمين *** كـررتـها مـره .. ومرتين .. ورابعه قلت وشفيك وشبـلاك يابنيه ترجفين *** ليش عينك يابنيـه من كلامـي دامعـه قالت الموقف وقلبـي والمحبـه والحنين *** كيف اشوفك بعد ماكنـت عنك قانعـه قلت انا بسألك ان كانك انتـي تذكرين *** عن مواثيـق ثـمنها من حياتـي دافعـه قالت ظروف الزمان ماتطيـع العاشقين *** بيعونـي غصب حبك لو ماني بايعـه انا في دنياي حالي كنهـا حال السجين *** حتـى لو فكـوا سراحه فيه شي ٍ مانعـه زوجوني غصب واحد وحرموني حاجتين *** السعاده فـي زمانـي والحيـاه الرائعـه والحـين انا ام الأربعه شـوق واشـواق وحنين*** والولد اسمه على اسمك والمشاعـر جايعـه ...!! ربع ورفاقهـ |
صح لسانك اخي ربــــع ورفاقـ على قصيدك الرائع امتعتنا بحروفك الذهبيه منتظرين مزيدك يالغالي |
قنااااااص شبوووه
الله يجبر بخاطرك رديت على موضووعي كنت قاطع الامل احد يفتح الموضوووع خخخخخخخخخخخخخ تحياتي لك اشكرك على المرور |
جميع الأوقات بتوقيت GMT +4. الساعة الآن 11:52 AM. |
المواضيع المطروحة تعبر عن رأي كاتبها ولاتعبر بالضرورة عن رأي إدارة منتديات المصعبين
Powered by vBulletin Version 3.7.4
Copyright ©2000 - 2009, Jelsoft Enterprises Ltd
جميع الحقوق محفوظة @ موقع المصعبين