منتديات المصعبين - ((حنــا البدوو))

http://www.alswalf.com/vb/images/bsm.gif
{{ طلال السعيد}}

هذه القصيده الرائعه للشاعر الكويتي .. والكل يعرفه وهو غني عن التعريف ... قصة هذه القصيده البعض يعلمها والبعض لايعلمها ولكن ..
سنبنين لكم القصه ...
طلال السعيد هو عضو سابق لمجلس الامه الكويتي .. وأتت اليه احدى الصحفيات الكويتيات .. وقالت له ودنا نسوي معاك لقاء .. هو رفض لعدم تفرغه لهذه الاشياء لانه عضو ومسؤول من الحكومه .. وعنده ارتباطات .. فهي اعتبرت .. وتخيلت في نفسها انه بدوي وشلوون يفرض اني جايه بسوي معاه لقاء يعني انه مايعرف شيء .. وقالت له قبل ماتطلع من المكتب بكل استهزاء كما ورد في القصيده ... بدو ..

ولكن جاء الرد اللي يشفي غليل الشاعر بهذه القصيده التي سمعت من ارجاء العالم وهذه القصيده قديمه ...
اقراو القصيده وستعرفون الرد الجميل من شاعرنا طلال السعيد ....

((حــنا بدوو))

قالت: بــدو
صدت وقالتها بقرف
بنت الأكابر والترف,,
متكبره متعاليه
يعني بدوي يقعد طرف
والمعنى دون المستوى
ماحنا وياها سوى ,,
حنا بنظرها من نكون..؟
ريشه يطيرها الهوى
بمفهومها حنا: عدد
رقم ولا اكثر بعد
يعني مجرد تكمله
والا اهي اصل البلد
قالت : بــدو ....
تعني صفر على الشمال
هذا على احسن احتمال ,,
تصدر حكم ماتلتفت
تحكم ولا تترك
مجال ..
قالت: بــدو ...
متصورتني باستحي
واترك مكاني وانتحي ’’
تفاجئت .. تغيرت .. تلعثمت
ماتدري اني ابفتخر
لي الفخر ::
{ حــنا بـــدو ..
حنا عمى عين العدو ’’
حنا البداوه وضعنا
واهل الوفا هم ربعنا
حنا نتفاخر بأصلنا
يابنت هذا طبعنا ..
ماهي بداوة تليفزيون
والا مسلسل أردني ’’
بس بدوي بالمكرفون
ولا هد سيفه ينثني ’’
ولا بدو بيت السدو ..
{ حــنا البــدو ...
حنا بداوتنا الاصل
بالقمه حنا مو أقل ..
حنا بداوتنا تراث
من جيل الى جيل انتقل
حنا معاني ساميه
نروي السيوف الضاميه ’’
نرد المنايا ما نهاب
لو هي سعاير حاميه ...
{ حـنا بــدو ..
حنا البداوة عيدنا
مانآكل الا صيدنا ..
مانعيش عالة مجتمع
نموت مانمد ايدنا..,,
{ حـنا بــدو
حنا البداوه بدمنا
مانسمي أحد عمنا ..
حتى ولو منهو يكون ,,!!
لو هو زعل ماهمنا ..
{ حـنا الـبدو ..
حنا البداوة عمرنا
محداً بيصبر صبرنا ’’
لانها مصنع للرجال
نمشي وتمشي بأمرنا ..
{ حـنا البـدو ..
حنا البداوة اصلنا
وحنا البداوة فصلنا ,,
حنا بدو متماسكين
وهذي نتيجه وصلنا’’
يابنت ياللي تضحكين
قلتي بدوي تستهزئين..
غرك لباسك الاجنبي ..!!
المشكله ماتعرفين ::
إن الـبدو أصل العرب ....)
تبغين هالكلمه طرب
صارت نشب ’’
ياآنسة .. ياعانسة .. ياضايعه ومستانسة
ياتارسه وجهك صبغ ,,
ياتارسه عينك شدو ..
{ حـنا الـبدو ..
ولو كان قلتيها ( بقرف )
لـــنا الـــشرف ....