|
(( المــــرجــلــه قول وفعل ماهي بـ لحى واشنــابي ))
السلام عليكم اسمحولي اقدم ثالث قصايدي لكم وإن شاء الله تعجبكم الطير مايرقى سدى وتحت اجنحه مخلابي والمجد ماهو من كبر يحمل صفات عزومه وللقاب تتوزع سدى وماكل هدف ينصابي والعزم يطلبني جهر اعطي خيار علومه ولفعال لوماناطحت قرن السما تنعابي ولمجاد تتسجل فخر طول الدهر مرقومه وان كان فعلك يافتى شامخ على مرقابي فبشر بعزك يافتى جاك الفخر بختومه وان كنت شاطر بالكلام ومنهجك كذابي فالكذب ماوصل بعيد وشيمتك مذمومه الذيب لامنه عوى يبرق بـ فمه نابي ويصدح صدى صوته يرجرج هامته وحزومه والمرجله قول وفعل ماهي بـ لحى واشنابي ومن ماسعى للمرجله لايفتخر في قومه لاتقول دامني انا من لابتي واقرابي بفخر وهذا لي كفى وش للسعي ولزومه ولاتقول انا جدي رقى ومن هامته يرقى بي ياكيف تطلب رفعتك من روحه المرحومه اسمع كلامي وافطنه دامك نصيته بابي من عاش ذالدنيا حلم شف هامته مردومه اركز خيامك وانفرد واغرس شديد اطنابي وانظر مراقيب الفضا عللك بـ يوم تحومه |
اركز خيامك وانفرد واغرس شديد اطنابي
وانظر مراقيب الفضا عللك بـ يوم تحومه ابيات جميلة tnnnsk اخي عزام وصح لسانك |
صـــح لسان الشاعر ..........
مبدع أخي عزام والله وسوالم وننتظر مزيدك a7: |
الطير مايرقى سدى وتحت اجنحه مخلابي
والمجد ماهو من كبر يحمل صفات عزومه وللقاب تتوزع سدى وماكل هدف ينصابي والعزم يطلبني جهر اعطي خيار علومه صح لسانك وسلمت ودمت اخوي عزام |
رد خــــــــــــــاص
الذيب لامنه عوى يبرق بـ فمه نابـــــــــــي يصدح صدى صوته يرجرج هامته وحزومه
والمرجله قول وفعل ماهي بـ لحى واشنابي ومن ماسعى للمرجله لايفتخر في قومــــــــــــه نعم باالله ياولد العم صـــــــــح لسانك والقصيده روعه ومنتظرين منك المزيد وفــــــــــــالك المليون |
صح لسانك اخي عزام قصيده جميله في معانيها
وكم هو جميل ان يكون معنا شاعر مميز فلاتبخل علينا بكل جديد |
شدعزمك ياعزام ننتضرابداعات منك
صح لسانك الف شكرقصيدة جميلةtnnnsk |
صح لســـــــانك يا العريفي
جعلك تسلم |
| جميع الأوقات بتوقيت GMT +4. الساعة الآن 05:51 PM. |
المواضيع المطروحة تعبر عن رأي كاتبها ولاتعبر بالضرورة عن رأي إدارة منتديات المصعبين
Powered by vBulletin Version 3.7.4
Copyright ©2000 - 2009, Jelsoft Enterprises Ltd
جميع الحقوق محفوظة @ موقع المصعبين