يا جبال الشق ياضاحة وريبه = نادن على ضاحة شقير
يا اخشام عوجا ذي لها قوه صليبه =اتكسرت فيها الصبير
احنا لنا تاريخ في الجوده وهيبه=ماكان في العوجا نسير
بالجود والمعروف واخلاقن مهيبه =والخوف من عالي قدير
والحق مطلبنا ودايم نهتدي به=والسلم في دربه نسير
والمتقي في الله خالقنا رقيبه=والنصر له عند الاخير
وان حد بلانا او يبا فينا مصيبه =قمنا وبالله نستجير
نسقيه كاس الذل لامايهتني به =يستوعب الدرس العسير
اخوان في الشده وليام الصعيبه = الشيخ فينا والصغير
الشاب فيده بندقه واخرى حقيبه =عند الشدايد يستخير
نرسم دروس الحرب في لوحة عجيبه =يشاهده كم من غرير
نواجه الشده وليام العصيبه = نصبر على حالي وقير
وامجادنا منذوا القدم ماهي قريبه =يعرف بها الوادي وغير
من يجهل التاريخ يبغا من يجيبه=لابد مايسال خبير

نواجـه الشـده وليـام العصيـبـه
نصبـر عـلـى حـالـي وقـيـر
وامجادنا منذوا القدم ماهـي قريبـه
يعـرف بـهـا الــوادي وغـيـر
من يجهل التاريخ يبغا مـن يجيبـه
لابـــد مـايـسـال خـبـيــر


الجميل والرائع تقف تنظر الية بكل حواسك لتنبهر بالابداع وهذا ما جادت بة قريحة الشاعر ابواصيل الذي لم يقل الا مايجب ان ينقال في ربعة بيض الله وجه الشاعر وصح لسانه وتسلم اخي وعزيزي ابن لحول على هذا الاختيار الرائع لانك انت رائع وصاحب ذوق ولك منى الاحترام