منتديات المصعبين - ودعتك الله لاتجيني ولا اجيك

ودعتك الله لاتجيني ولا اجيك ..ولاعاد تسأل خاطري وش علامه

مابيك تستغرب إذا قلت مابيك ..قلبي من الي صار غيّر كلامه

تدري وش الي حدني يوم اناديك ..بودعك واقول مع السلامه

بودعك وانسى زمانك وماضيك ..وداع من ذاق الجفاوالملامه

لكنّ , ودي أسألك قبل اخليك ..وابيك تعطي للسؤال اهتمامه

في ذمتك وشلون غيرتني فيك؟..وخليتني استغرب غلاك ونظامه

وانا عشانك كل ماتطلب يجيك ..رفعتلك هامه و نزلت هامه

ما عادلك في داخلي حيّ يبكيك..صدري قِبَر كل الحواس بعظامه

اغليك ؟صح\ أنا اشهد إن كنت انا اغليك ..والحين راس المال منك السلامه

لا تقول ليه , وكيف , وشلون , وشفيك ..ماضيك يعطيني لبكره علامه

ما ودي اضيّع حياتي بأياديك ..دام إن من عزك تنزل مقامه

غلاك \ ماعلمك تكسر تغليك ؟..وغلاي \ اثبتلي الوفا والشهامه

كافي نضيع وقتنا في بلاويك ..ما يِرجِع الي راح كثر الندامه

وإن ضاقت الدنيا بزحمة طواريك ؟..اليل الأسود , مايطول ظلامه

والحين تعرف ليه انا قلت مابيك ؟..و قلب ٍ يحبك ليه غير كلامه ؟

ودعتك الله لاتجيني ولا اجيك ..ولاعاد تسأل خاطري وش علامه

ولا تنصدم في بسمتي يوم احاكيك ..أحيان تلقى بالجريح ابتسامه

راقت لي
م ن ق و ل