منتديات المصعبين - انا جني ولد جني ولي جسم بليا عظام

أنا جني ولد جني ولي جـسـمٍ بلـيـا عـظـام

ألا ياشركب الجني تقدم وأحـتـزم بـحـزام= أنا جيتك وأنا خرفش معي مرسال بـيديه

أنا جني ولد جني ولي جـسـمٍ بلـيـا عـظـام= وأبوي المارد الأكبر عرنكش أقـشـر النيه

ولي يدين أصابعهـا تراهـا كل ابوهـا أبهام= ولي عينٍ وسط راسي ولي نظرات ناريه

ولا ترتاع لامنك نظـرت ابأســفـل الأقــدام= ترى لي ألف مدري كم مدري حول ست اميه

أنا ياشركب الليله معي علم من الحكام= أبيك اتشوف مرسالي وركـز في معانـيه

أبوي اليوم مرسلني أجيبك وأربطك بـخـطــام= بعد ماهو سمع إنك عـشـقـت اليـوم إنسيه

ألا يا شركب اللـيـله وعدك المـارد الحـطام= لجل يربط على قلبك ويـعـقـد فـيـه جنيّه

وألا ياويل ويلك ويل لو اتخالف الأعـمام= تصيبك لعنة العاصي وتكوى بصالي الكـيه

وأضنك مانسيت اللي حصل في ذالك الأيام= تذكر قصة الخنشور يوم إن هام بـبـنـيه

عشقها وأفتنت قلبه وصابه من هواها هـيام= وحلت لعنة المـارد عليه وشب صالـيه

وثارت فتنتٍ بالجن فجر منها الألـغــام= وكله سبت الخنشور يوم إن طاح بالـسـيه

ألا ياكيف شيخ الجن يقبل أنس لو باحـلام= ترى ماقد حصل هذا ولو فعصور ماضيه

ألا يا شركب أفهمها وخلك محتزم بحــزام= لزوم إنك تجي معنا وحط ايديك بيـديه

وجاء رد الجني شركب بهذه الأبيات

هلا والله وحيا الله رفيـق الدرب من أعــــــــوام= أهلي بك وارحب بـك كثـر حبي للإنسيــــّة

هلا با وصافك الزينــة وكبير الإنس ما ينــــلام= كوابيس (ن) تجيـه اليا تخيل وصف جنيـّة

هلا خرفش ولد عمـي الى صـك القنـــا قــــــدّام= هلا بالعلم لا جبتـه بوسط أوراق مطويـــّة

أبوك الـيوم يامركم على ربطــي بعد بخطــــــام= يقول انه بيذبحنـــي وأنــا واحد وهم ميــّة

أنا طالبك تتركنـي وابـوك المــــارد اللـــــــــوّام= ترا مافينـي كافينـي ولابـي منـك عانيــــــّة

أبي ترجـــع قبـل تنـدم وتبـدا عظــة الإبهـــــــام= وتقول انه يقول إلكــم أنا حبيــت حــــوريّة

أنا ماانـلام ياخرفش ترا الدعوى مهيب أحــــلام= تعال انظر وشف معنا تـدوخ بحـب الإنسيّة

يضيع العلـم لا شفتــه الى منـه قعـــد أو قـــــــام= جمالٍ يعجز لساني مهوب عيون وسطيّة

شف العـذرا شف القمـرا من عيونه تجيك سهـام= يصيب القلـب برموشه وله وجنات ورديـــّة

وبالنظره تخيل بروق ولمعة فيصل(ن) وحســام= يشدّك كثـر لمعاتـه ويفــرح طيب النيــــــّة

ألآ سبحانـه الخالـق خلـق مخلوقـة(ن) بعظـــــام= وزيّن خَلقَهــا بأخـلاق وثبـّت حبهــا فيـــــّه

أنا شركب أمير الجن وأنا فارس وأنا الضرغــام= ولا يامــر أحـد منكم علي بروحـة أو جيــّة

أنا ما أخاف غير الله كريم(ن) عالم(ن) عــــلام= وذا ردي على عمـي بوسـط أبيـات ردّيـــّة

وبعد أن سمع عرنكش مارد الجن الأكبر أبيات ابن أخيه شركب تنهد تنهيده قويه وكتب هذه الأبيات

يقول اللي بدع قـافه وغنى بالطروق وهـــام= وجر الصــــوت يالاله وزانت له لياليـــــــه

لفاني الخط ياشركب وجدد لي جروح قــــدام= وهيض بالحشى نار(ن) لضاها تصطلي بيه

أنا المحروم ياوليدي أنا اللي في حياته صام= أنا العطشان لو إني قبال البير والمـــيّــــــه

أنا لي قصة(ن) بالحب ماجا مثلها بافــــلام= ولا غـنـى بهـا عـبـده ولا رامي بـغــنـيــــه

أنا اللي غصت ببحور الغرام وجيت أنا عوام= لجل قلبي هوى بنت(ن) من الأنس وخليجيه

تلبست بجسدها وكنت ساكن داخل ا لصمــام= سكنت بقلبها وأرقص وأغني به هـجـيـنـيـــه

ولاكن ماقدرت أنطق لجل ماتحدث الأقـســام= كتمت بداخلي عشق(ن) وشيد بي مبانـيـــــه

كتمت السر في قلبي عن الواشيين والنـمــــام= ولو السر عارف به أبويه حطني إضـحـيـــه

وأشوف الوقت ياشركب يدور وجا عليك الزّام= عشقت اليوم بنت الأنس وبحت بكل خافــيــــه

تقدم وأبشـر بعزك تراني لك سـنـد وعـصـــام= تقدم وأطلب إيد البنت وشفلي عندهــا أخـيــه