سلام من شاعر دهم بالعطر يرسل في بساط=لأهل الشعر من خاطري أجمل عطور مخلطه
بعد السلام أريدكم يالربع في بعض النقاط=حول الشعر في وقتنا جتكم حروف منقطه
الشعر واجد ياعرب بس الأمر فيه إختلاط=شاعر قصيده طوره والبعض شعره حلبطه
والشاعر اللي مامعه من هاجسه غير الهياط=أفلح له إنه يتركه ولاالتعب والشخبطه
كم شاعرن فيذا الزمن مطرود من والي البلاط=يومه صريح وهاجسه بالصدق سبب مربطه
والشعر فيني موهبه بل مرتبط فيني إرتباط=القلب دايم مسكنه وأرض المشاعر مهبطه
لكن حسافه يازمن معكوس مايدعم نشاط=ولايشجع موهبه في رأس ضيع مسقطه
هذي حقيقه مرها ذقناه من شعر الهياط=الله يعين إللي غدت دنياه فيها لخبطه

منقووووول