مهم مهم للنقاش..مهر البنت في يد البنت ام الاب
 

مهم للنقاش ...مهر المصعبيات هل يكون في يد االاب ام البنت يعني بالنسبه لجماعتنا المصاعبه شو رايكم هل من حق البنت تاخذ المهر كااااااااااااااااااااامل وتتصرف فيه ولا اهلها؟

[quote=عيون الرياض;159595]مهم للنقاش ...مهر المصعبيات هل يكون في يد االاب ام البنت يعني بالنسبه لجماعتنا المصاعبه شو رايكم هل من حق البنت تاخذ المهر كااااااااااااااااااااامل وتتصرف فيه ولا اهلها؟
من رايي ان الاهل من ياخذو المهر ويتقضو لاءابنتهم كل ماتحتاج من متطلبات الزواج بدون اسراف واخذالمهر من الزوج حسب الحاجه بعيداً عن التكلف الذي يقصف ظهر الزوج
تحياتي

t:hمشكور على الرد (لا تحزن)

وكلامك صحيح بس انا من وجهة نظري يكون نصفه بيد الام وهي بتفهم احتياجات بنتها وننصفه بيد الاب

ابو الليل
 

شكرا(ابو الليل) بس انت ليش متشدد على الاقل تحس ان هذا زواجها مو مثل الاطرش في الزفه

يكون في يداهلهاافضل

طيب ابغى اعرف ليش مصاعبة الامارات احسه متفتحين ويعطو المهر بنتهم حسن من اهل السعوديه شوي متعصبين؟؟؟؟؟؟؟؟؟؟؟؟
انتو معاي في هذا الراي ولا لا؟

شكرا على الموضوع

المهر من الوجة الشرعي للزوجة وخاص بها

قال تعالى --وتو هن صدقاتهن نحلة
تجاوزا عن العادات والتقاليد

تقبل مررررررررررررررروري

والله انا افكر في إنشاء بنك صغير لحفظ مهور البنات وادخاره وتطويره بشرط يساهم معي من اخواني الي معهم مليارات ومكسينها في البنوك لافادوا ولا استفادوا ونعلن رقم الحساب نحفظ فيه من جهة مهر لصاحبه لحين طلبه وعليه أضعافه ارباح إذا الخبرة موافقين انا موافق وعلى استعداد لتقديم بقيه بنود دراستي هذا الي عندى وقدرت أفكر فيه ان كان زين خذوه وان كان شين استروا ما وجهتوا

البنت وامها غالبا يتفقن على احتياجاتها ويرين ماهو المطلوب ويقسمن المهر للذهب وغيره
بغض النظر عن كثرته وقلته فالاخت تقصد بيد من يكون لا كم المقدار
والمهر في الشرع للزوجه كما ذكر احد الاخوه..اي لاعلاقه للعيب او العادات بان يكون في يدها
فان هي شائت او رأت ان تعطي لاهلها فهو بر وامر جميل منها خاصه ان كان اهلها بحاجه لمساعده في الزواج

والله حتى اذا كان مهر الفتاه في ايدها او يد ابوها ولا امها ابو البنت عاده يدفع من جيبه لبعض الامور

وهذا هو الحاصل .

أنا أوافق أخي نيـاف فالمهر أينما كان في يد البنت أو في يد أبيها أو أمها فهذا يعتمد على الترابط العائلي فأن كان هناك ترابط فقد يدفع الوالد من جيبة أكثر من الذي وصله من المعرس وأن كان هناك جشع وهشاشة في الترابط الأسري فالأفضل أن يكون بيد البنت وهو حقها الشرعي الذي شرعة الله سبحانة ..

أبو الليل لا أرى داعي للسخرية من فكرة أخينا الروني فأن صلحت لك فخذها وأن لم تصلح فتاجاوزها ..

فكرة جميلة أخي الروني ولكن ترجمتها على أرض الواقع صعبة أعتقد فيها الكثير من الصعوبة لأن مهر الفتاة مع أرتفاعات الذهب المستمرة وتكاليف الحياة الصعبة ربما لم يغطي كل أحتياجيات الفتاة نفسها

وعليكم السلام والرحمة,,

حياك الله اختي العزيزة..

وأشكرك على طرح هالموضوع , اللي جاء بوقت حساس وهو موسم الإجازات والزواجات..


أولا الزواج سنه الله لنا لما فيه من أدخال الفرحة والسعادة ليس على الزوجين بل على أهلهما ايضا..


ثانيا, اللي مافيه خير لأهله مافيه خير للناس, أنا بالنسبة لي أشوف أني اتشاطر فرحتي بالزواج والمهر مع اهلي , واخلي المهر بيدهم..


لأن مهرنا يالمصعبيات مقارنة بمتطلبات الزمن جدا قليل ولا يكفي شئ, فأكيد أهلي رح يدعموني ويعطوني زيادة عشان اقضي متطلباتي..


فالمهر كله كم الف , أخليه مع أهلي , وكلما نزلت السوق اشتري اللي أبيه سواء من مهري أو من فلوس أهلي, لأنهم مارح يقصرون معي باللي أبيه..


وأولا وأخيرا, بعد الزواج زوجي بيتكلف في مصاريفي, فليش أطلع بصورة انانية قبل ماأتـزوج وأقول لأهلي أبي المهر؟!!


وبعدين من اللي بينزلني السوق وبيحاسب على متطلباتي ؟ << مو اهلي ؟!!




طيب خلاص أخلي المهر بيدهم , واللي ابيه مارح يمنعوني عنه...




وجهه نظري , لا أعممها , ولكن أحتفظ بها لنفسي لمن لم يعجبه طرحي...




أختــكم // هــمــس "