يالله ياكنــز ذي ماشي معه كنزا = ماباقي الا أنت ولا كامله لكناز
مسند وموزا الذي ماشي معه موزا = مكفى من الناس لكن عبدك العواز
الحمد لله ماقروا من ألف لاهمزا = واجب لك الحمد ولا ما لغيرك جاز
يملا بلادك وراز أخشامها روزا = حمد الرضا والثناء والشكر والأعزاز
والبارح أمسيت أنا والقلب نتحازا = لامابدا النجم من مشرق غبش كزاز
من محنة الوقت ذي لز القبل لزا = لباه يصلح وعادة مز يا مزاز
ضاعة لمانة وضاع المجد والعزا = هذا يكل ذا وهذا يزرع القفاز
وحزاب جتنا غريبة قسمتنا أجزا = من حيث ماحد تكنف هزه الهزاز
وصاحب الخبز مدا شي من الخبزا = وكل ماشي حصل كوده عشا الخباز
وبعد ياطير لا ساع ولا عجـزا = ذي يعرفوه أمـه القطـــوه وأبوه الباز
بديك ذا الخط أمانة ونبزة نبزا = وأحذر على الخط ياطير السمــاء الوزاز
وسرح من القمعله ذي روسها خزا = ذي بدوها ديم صبارة على لجحاز
بقعة حفيه جفيه قاسيــــــه شعزا = ليله لوسط وليله في طرف لحتاز
ولهذر أطرافها للقوم والمغزا= من روس ثيبه لا قدران والمنحاز
والخط ماشي يصلها دحقها وقزا = ماهل يشدوا على كمن جمل حزاز
وأربع ليالي تسافر في طرق شنزا = وأربع في أسواق والجمال يحجاز
وأربع مقابيل في لوعار تترزا = وصاعها الميل لاماجا الحمول أرواز
وتعبتنا ضياح الصيــد والمعزا = والناس كلن وهو سى له سكن ممتاز
ماشي حضى من ركوب الفاطر الجوزا = سيرة دليا ولا ركبه على لجواز
لاذه سمينه ولا شعثا ولا قرزا = ولا منيحه ولا تبــدل لذا النقراز
ماهل من القمر سينا تشرعه شجزا = ومن معه ضمد عايب يترك الشجاز
قد كان ثوري يجيب المنشيه شيزا = واليوم حط الشرع وتخير الغراز
ياطير شل الرسالة ذي بها الغزا = وحذر بها تحت ريشة جناحك الغماز
وقطب شريح الورب ياقاطع البرزا = خذ لا وعاله وخذ لا أعشـار ذي منتاز
وضرب لهم وأنت عابر في فسماء قفزا = سلام قال ابن لعور بادع المرجاز
بالفين مضرب ملحكم جاه درزا = مرت به الباخره هرمز وجاء لهواز
من بر لا بحر من فرز لافرزا = لامايصل عندكم وتقاسموه أجماز
يا العريف أهلكم ماحد بها أتمهزا = ولا أنتوا أيتام قصر تقبل القهواز
لو حد سمعني وقال الكلمه الجعزا = ما أتحروة أمه وهي شيبا على المعكاز
ياقهرها من بزاها كم لها تبزا = كمل زجاهــا وهو في بيعها براز
هذا لكم كلكم ماهو لحد حوزا = لافيه زايد ولا ناقص ولا ميـاز
لنتوا تبو من تهزاكم يقع يخزا = لمو ذبيل الحروبه وادهنوها قاز
او نا اقطع الياء بحرف السين والرمزا = ماعاد بابرجز المهرا كذا برجاز
على محمد صلاة الله بها يجزا = المصطفى ذي من تلوا بقبره فاز
مولى الحرم ذي عليه النور يتنازا = من قدرة الله ماهو كهرباء وافياز